Manuscript msA, page 250r

Manuscript msA, page 250r

prev: 249v

next: 250v

Iliad text

18.555 παῖδες δραγμεύοντες . ἐν ἀγκαλίδεσσι φέροντες .

18.556 ἀσπερχὲς πάρεχον· βασιλεὺς δ’ ἐν τοῖσι σιωπῇ .1

18.557 σκῆπτρον ἔχων . ἑστήκει ἐπ’ ὄγμου γηθόσυνος κῆρ·1, 2

18.558 κήρυκες δ’ ἀπάνευθεν ὑπὸ δρυῒ δαῖτα πένοντο·

18.559 βοῦν δ’ ἱ̈ερεύσαντες μέγαν ἄμφεπον· αἱ δὲ γυναῖκες

18.560 δεῖπνον ἐρίθοισιν λεὺκ’ ἄλφιτα πολλ ἀπάλυνον ·1, 2

18.561 ὲν δ’ ἐτίθει σταφυλῇσι μέγα βρίθουσαν ἀλῳὴν .

18.562 καλὴν . χρυσείην· μέλανες δ’ ἀνα βότρυες ἦσαν·

18.563 ἑστήκει δὲ κάμαξι διαμπερὲς ἀργυρέῃσιν·1

18.564 ἀμφι δὲ κυανέην κάπετον . περὶ δ’ ἔρκος έλασσε

18.565 κασσιτέρου· μία δ’ οἴη ἀταρπιτὸς ῆεν ἐπ’ αὐτὴν·1

18.566 τῇ , νείσοντο φορῆες ὅτε τρυγόῳεν ἀλῳήν·

18.567 παρθενικαὶ δὲ καὶ ἠΐθεοι ἀταλὰ φρονέοντες .1, 2

18.568 πλεκτοῖς ἐν ταλάροισι φέρον μελιηδέα καρπόν·

18.569 τοῖσιν δ’ ἐν μέσσοισι πάϊς φόρμιγγι λιγείῃ

18.570 ἱ̈μερόεν κιθάριζε . λίνον δ’ ὑπο καλὸν ἄειδε1, 2, 3

18.571 λεπταλέῃ φωνῇ· , τοὶ δὲ ῥήσσοντες ἁμαρτῇ .1

18.572 μολπῇ τ’ ἰ̈ϋγμῷ τε . ποσὶ σκαίροντες ἕποντο·1

18.573 ὲν δ’ ἀγέλην ποίησε βοῶν ὀρθοκραιράων·

18.574 αἳ δὲ βόες . χρυσοῖο τετεύχατο κασσιτέρου τε·

18.575 μυκηθμῷ δ’ ἀπὸ κόπρου ἐπεσσεύοντο νομὸν δὲ .

18.576 πὰρ ποταμὸν κελάδοντα , παρα ῥοδανὸν δονακῆα·1, 2, 3

18.577 χρύσειοι δὲ νομῆες ἅμ’ ἐστιχόωντο βόεσσι

18.578 τέσσαρες . ἐννέα δέ σφι κύνες πόδας ἀργοὶ έποντο·

18.579 σμερδαλέω δὲ λέοντε δύ’ ἐν πρώτοισι βόεσσι1, 2

Scholia text

msA, 18.199, commenting on 18.556 βασιλεὺς δ’ ἐν τοῖσι σιωπῇ⁚ ἐφαίνετο γὰρ τῷ προσώπῳ ἡδόμενος καὶ τοιαύτην ἔχων κατάστασιν ⁑

msA, 18.200, commenting on 18.560 δεῖπνον ἐρίθοισι⁚ ὅτι δεῖπνον τὸ ὑφ ημῶν ἄριστον , καὶ ὅτι ἔριθος πᾶς ὁ μισθοῦ ἐργαζόμενος ⁑

msA, 18.201, commenting on 18.567 ἀταλὰ φρονέοντες⁚ τρυφερὰ νήπια πρᾶα κατ επικράτησιν δὲ τοῦ ἄρρενος εἴρηκε φρονέοντες εἰπὼν καὶ οὐ φρονέουσαι⁚

msA, 18.202, commenting on 18.570 ἱμερόεν καθάριζε· παρα Ζηνοδότῳ λινὸς δ’ ὑπο καλὸν ἄειδε ὁ δε Ἀρίσταρχος βούλεται μη τὴν χορδὴν λέγεσθαι ἀλλα γένος τι ὑμνου τὸν λίνον ὡσπερ ει ἔλεγεν παιᾶνα ᾖδεν ἤ τι τοιοῦτον διὸ ἡ διπλή ⁑

msA, 18.203, commenting on 18.570 τὸ λίνον κατα βαρείαν τάσιν προενεκτέον ὅ τι ἂν σημαίνῃ εἴτε τὴν λινῆν εσθητα εἴτε καὶ ἐπι τῆς χορδῆς τάσσοιτο εἴτε καὶ αὐτὸ τὸ λεπτὸν νῆμα εἴτε σημαίνοι εἶδος ὕμνου ὥσπερ καὶ ἐνθάδε ὡς παιαν καὶ διθύραμβος ⁑

msA, 18.204, commenting on 18.570 λίνον δ’ ὑπο καλὸν ἄειδε , ἤτοι τὸν λίνον ἦδε ὃ εξῆπτο ἀντι τῆς νευρᾶς τῆς κιθάρας ἐπεὶ οἱ πρῶτοι τοῖς θεοῖς μετα ωδῆς ὑποκιθαρίζοντες οὐκ εξ ετερων κατεσκευάζοντο τὰς κιθάρας οὐχ ὅσιον οὐδὲ θεοῖς ἀρεστὸν εῖναι ὑπολαμβάνοντες δια τὸ ἐκ νεύρων πεποιῆσθαι· ἀλλ εκ λίνου πεποιημένου . ῆ λίνον δὲ ὑπο καλὸν ἄειδε ἀντι τοῦ τὴν ἐπι Λίνῳ τῷ Απόλλω παιδὶ ὠδὴν ὄντι νηπίῳ καὶ ὑπὸ κυνῶν ποιμενικῶν διασπασθέντι πρώτην ασθεῖσαν ⁑

msA, 18.205, commenting on 18.576 παρ’ ποταμὸν κελάδοντα⁚ παρα Ζηνὸδοτῳ διὰ ῥαδαλόν . ὁ δὲ Ἀριστοφα παρα ραδηλλόν · ῥαδαλόν δὲ ακουστέον τὸν εὐκράδαντον δι ὕψος φησὶ δὲ Διονύσιος γράφεσθαι καὶ δονακῆεν κατὰ τὸ οὐδέτερον ὡς καὶ τὸν πευκῶνα πευκᾶεν ⁑

msA, 18.206, commenting on 18.579 σμερδαλέω . δὲ λέοντε· ἐν τῆ ἑτέρᾳ τῶν Ἀριστάρχου δύο πρώτῃσι βόεσσι · παρα δε Ζηνοδότῳ κυάνεον δὲ λέοντε ⁑

msAext, 18.8, commenting on 18.560 ** ** πὸλλ’ ἐπαλ ἐπάλυνον

msAext, 18.9, commenting on 18.571 ** ** ὁμαρτῃ

msAil, 18.34, commenting on 18.572@ἰ̈ϋγμῷ συριγμῶ

msAil, 18.35, commenting on 18.576@δονακῆα καλαμῶνα⁚

msAim, 18.64, commenting on 18.557 Ἀρισταρχ εστήκει ⁑

msAim, 18.65, commenting on 18.563 Ζηνοδ ἀργυρέοισιν ⁑

msAim, 18.66, commenting on 18.565 ἐς αυτήν παρα Ζηνοδ καὶ ἔχει λογον ἡ γραφη ⁑

msAim, 18.67, commenting on 18.567 οἱ φέροντες τοὺς βότρυας

msAim, 18.68, commenting on 18.579 δύο πρωτησι ἐν τῇ ἑτερα τῶν Ἀρισταρχ ⁚

msAint, 18.49, commenting on 18.557 ἕξω τοῦ ϊ τὸ εστήκει αἱ Ἀρισταρχ ⁑

msAint, 18.50, commenting on 18.567-568 Ἀρίσταρχ ταλάροισι καὶ πλεκτοῖσι ⁑

msAint, 18.51, commenting on 18.576 ἐν ἄλλῳ ραδαλὸν