Facsimile editions Manuscript facsimiles from the Homer Multitext project
Manuscript msA, page 251v
Manuscript msA, page 251v
| prev: 251r | next: 252r |
Iliad text
19.1 Ἠὼς μὲν κροκόπεπλος ἀπ’ Ὠκεανοῖο ῥοάων
19.2 ὤρνυθ’ . ἵν’ ἀθανάτοισι φόως φέροι ἠδὲ βροτοῖσιν·
19.3 δ’ ἐς νῆας ΐκανε θεοῦ πάρα δῶρα φέρουσα·
19.4 εὗρε δὲ Πατρόκλω περικείμενον . ὃν φίλον υἱὸν ,1
19.5 κλαίοντα λιγέως . πολέες δ’ ἀμφ’ αὐτὸν ἑταῖροι1, 2
19.6 μύρονθ’· ἣ δ’ ἐν τοῖσι παρίστατο δῖα θεάων·1
19.7 ἔν τ’ άρα οἱ φῦ , χειρὶ , ἔπος τ’ ἔφατ’ ἔκ τ’ ὀνόμαζε·
19.8 τέκνον ἐμὸν . τοῦτον μὲν ἐάσομεν ἀχνύμενοί περ1
19.9 κεῖσθαι . ἐπει δὴ πρῶτα , θεῶν ἰ̈ότητι δαμάσθη·
19.10 τύνη δ’ Ἡφαίστοιο πάρα . κλυτὰ τεύχεα δέξο1, 2
19.11 καλὰ μάλ’ . οἷ’ οὔ πω τις ἀνὴρ ὤμοισι φόρησεν·
19.12 ὡς ἄρα φωνήσασα θεὰ κατα τεύχε’ ἔθηκε
19.13 πρόσθεν Ἀχιλλῆος . τὰ δ’ ἀνέβραχε δαίδαλα πάντα .
19.14 Μυρμιδόνας δ’ ἄρα πάντας ἕλε τρόμος . οὐδέ τις ἔτλη1
19.15 ἄντην εἰσϊδέειν , ἄλλ’ ἔτρεσαν· αὐταρ Ἀχιλλεὺς1
19.16 ὡς εἶδ’ ὥς μιν μᾶλλον ἔδυ χόλος , ἐν δέ οἱ ὄσσε
19.17 δεινὸν ὑπο βλεφάρων ὡς εὶ σέλας ἐξεφάανθεν·1, 2
19.18 τέρπετο δ’ ἐν χείρεσσιν ἔχων θεοῦ ἀγλαὰ δῶρα .
19.19 αὐτὰρ ἐπεὶ φρεσὶν ᾗσι τετάρπετο . δαίδαλα λεύσσων .
19.20 αὐτίκα μητέρα ἣν , ἔπεα πτερόεντα προσηύδα·
19.21 μῆτερ ἐμὴ . τὰ μὲν ὅπλα θεὸς πόρεν⁚ οἷ’ ἐπιεικὲς
19.22 ἔργ’ έμεν ἀθανάτων . μη δὲ βροτὸν ἄνδρα τελέσσαι .
19.23 νῦν δ’ ἤτοι μὲν ἐγὼ θωρήξομαι· ἀλλα μάλ’ αἰνῶς
19.24 δείδω . μή μοι τόφρα Μενοιτίου ἄλκιμον υἱὸν
19.25 μυῖαι καδδῦσαι κατὰ χαλκοτύπους ὠτειλὰς .
Scholia text
msA, 19.2015office3_1, commenting on 19.4 εὗρε δὲ Πατρόκλῳ πεκειμε τινὲς ἀνέστρεψαν τὴν περι , ἵν ᾖ πε Πατρόκλῳ κείμενον ἐπεὶ καὶ ἐν ἑτέροις ἔφη ἀμφ’ αὐτῷ χύμένῃ τῇ δοτικῇ συντάξας τὴν πρόθεσιν οὐ τῇ μετοχῇ . ἡμῖν δὲ δοκεῖ ὥσπερ ἐτι καὶ τοῖς πλείοσιν καὶ τῷ Ἀσκαλωνίτῃ ἓν εἶναι τὸ περικείμενον ἔμφασις γὰρ μείζων νοεῖται ⁑
msA, 19.2015office3_2, commenting on 19.5 κλαίοντα λιγέωσ , πάντας τοὺς ήρωας ἁπλότητος χάριν εὐχερῶς ἐπὶ δάκρυα ἄγει . Ἀγαμέμνονα . Πάτροκλοv Ὀδυσσέα ἐφ οὗ καὶ τὴν παραβολὴν τῆς χείρας ἔλαβεν . αἰεὶ δ’ ἀριδάκρυες ἄνδρες ἐσθλοὶ ·λιγέως δὲ ὀξέως ἠ ἡδέως μετα γάρ τε καὶ ἄλγεσι τέρπεται ἀνήρ λιγέως ⁑
msA, 19.2015office3_3, commenting on 19.6 μύροντο ἐθρήνουν ἠ ἐχέοντο . ὅθεν καὶ μῦρον τὸ πρωτον ἐκχυθὲν δάκρυον ἀπο Μύρης της μιγείσης τῷ πατρί ⁑
msA, 19.2015office3_4, commenting on 19.10 τύνη δ’ Ἡφαίστοιο πὰρα , ἀναστρεπτέον τὴν πρόθεσιν ἔστι γὰρ παρ’ Ηφαίστου . τὸ δὲ τύνη ἀεὶ ἐπι αρσενικοῦ λαμβάνει ὁ ποιητής ⁑
msA, 19.2015office3_5, commenting on 19.14 Μυρμιδόνας δ’ ἄρα ὅτι Ζηνόδοτ γράφει ἐλεο φόβος καθ Ὅμηρον δέ ἐστι φόβος ἡ φυγή ⁑
msA, 19.2015office3_6, commenting on 19.15 ἄντην εἰσιδέειν· ὅτι ἐλέγχεται Ζηνόδοτος γράφων ἕλεν φόβος τὸ γὰρ τρέσαι ἀπο τοῦ τρόμου ⁑
msAil, 19.2015office3_1, commenting on 19.5@λιγέως ** ** εμπαθῶς ⁚
msAil, 19.2015office3_2, commenting on 19.17@βλεφάρων ** ** οις
msAim, 19.2015office3_1, commenting on 19.8 οτ αντ εάσωμεν·
msAim, 19.2015office3_2, commenting on 19.10 σημειοῦνται τινες ὅτι Δωρικὸν τὸ τύνη ⁑
msAim, 19.2015office3_3, commenting on 19.17 ουτ Ἀρισταρχ ἄλλοι δὲ ἐξεφαἄνθη ⁑