Facsimile editions Manuscript facsimiles from the Homer Multitext project
Manuscript msA, page 252r
Manuscript msA, page 252r
| prev: 251v | next: 252v |
Iliad text
19.26 εὐλὰς ἐγγείνωνται· ἀεικίσσωσι δὲ νεκρόν·1
19.27 ἐκ δ’ αἰὼν πέφαται· κατα δε χρόα πάντα σαπήῃ·1, 2, 3
19.28 τὸν δ’ ἠμείβετ’ ἔπειτα θεὰ Θέτις ἀργυρόπεζα·
19.29 τέκνον· μή τοι ταῦτα μετα φρεσὶ σῇσι μελλόντων·
19.30 τῷ μὲν ἐγὼ πειρήσω ἀλαλκεῖν ἄγρια φῦλα .1
19.31 μυίας , αἵ ῥά τε φῶτας ἀρηϊφάτους κατέδουσιν·
19.32 ἤ’ν περ γὰρ κῆταί γε τελεσφόρον εἰς ἐνιαυτὸν·
19.33 αἰεὶ τῷ δ’ ἔσται χρὼς ἔμπεδος· ἠ καὶ ἀρείων·
19.34 ἀλλὰ σύ γ’ εἰς ἀγορὴν καλέσας ἥρωας Ἀχαιοὺς ·1
19.35 μῆνιν ἀποειπὼν Ἀγαμέμνονι ποιμένι λαῶν·
19.36 αῖψα μάλ’ ἐς πόλεμον θωρήσσεο· δύσεο δ’ ἀλκήν·
19.37 ὡς ἄρα φωνήσασα· μένος πολυθαρσὲς ἐνῆκε·
19.38 Πατρόκλῳ δ’ αὖτ’ ἀμβροσίην καὶ νέκταρ ἐρυθρὸν
19.39 στάξε κατὰ ῥινῶν· ἵνα οἱ χρὼς ἔμπεδος εἴη·
19.40 αὐτὰρ ὃ βῆ παρὰ θῖνα θαλάσσης δῖος Ἀχιλλεὺς1
19.41 σμερδαλέα ἰ̈άχων . ὦρσεν δ’ ἥρωας ἀχαιούς .1
19.42 καί ῥ’ οἵ περ τὸ πάρος γε , νεῶν ἐν ἀγῶνι μένεσκον·1
19.43 οἵ τε κυβερνῆται καὶ ἔχον οἰήϊα νηῶν·
19.44 καὶ ταμίαι παρὰ νηυσὶν ἔσαν , σίτοιο δοτῆρες .
19.45 καὶ μὴν οἳ τότε γ’ εἰς ἀγορὴν , ·ΐσαν . οὕνεκ’ Ἀχιλλεὺς
19.46 ἐξεφάνη . δηρὸν δὲ μάχης ἐπέπαυτ’ ἀλεγεινῆς·
19.47 τὼ δὲ δύω σκάζοντε βάτην Ἄρεως θεράποντε·
19.48 Τυδέιδης τὲ μενεπτόλεμος . καὶ δῖος Ὀδυσσεὺς .
19.49 ἔγχει ἐρειδομένω , ἔτι γὰρ ἔχον ἕλκεα λυγρά·
19.50 καδ δὲ μετα πρώτῃ ἀγορῇ ἵ̈ζοντο κιόντες·
Scholia text
msA, 19.2015office4_1, commenting on 19.26 εὐλὰς ἐγγείνωνται εὐλας ὡς αυλας · ευλή γὰρ ὡς αὐλή · τὰ γὰρ εἰς λη λήγοντα θηλυκὰ μονογενη διφθόγγω παραληγόμενα ὀξύνεσθαι θέλει εἰ μὴ ἔχοι ἔννοιαν συνθέσεως· οὐλὴν μὲν πρῶτον · αὐλή ἀπειλή ὠτειλή οὕτως καὶ εὐλή · τὸ μέντοι ἑτέρῃ δ’ ἔχεν ούλας λέγω δὲ ἐπι τῶν κριθῶν ἵσως βεβαρυτόνηνται μονογενὲς ὅν προς μονογενὲς ὀξυνόμενον τὸ ουλή · προσέθηκα δὲ εἰ μὴ ἔχοι ἔννοιαν συνθέσεως δια τὸ δείλη βαρυνόμενον· ἐτυμολογεῖται γὰρ παρα τὸ ἐνδεῖν τῇ έλῃ δεείλη · ἡ διπλη δέ ὅτι ἐν τοῖς Ζηνοδοτου ἐγγείνωνται δια τοῦ ϊ γέγραπται δεῖ δὲ σὺν τῷ ε · ἔστι γὰρ ἐγγεννήσωσιν οὐκ ἐλεαίρεις ἄνδρας ἐπῆν δεῖ γείνεαι αὐτός ὅ ἐστι γεννήσεις .
msA, 19.2015office4_2, commenting on 19.27 ἐκ δ’ αιῶν πέφαται τὸ εκ δ’ αιῶν πέφαται οὕτως παρέργως κεῖται· ἀλλ ὅτι τῆς ψυχῆς ἀπολιπούσης τὸ σῶμα εὐχερῶς αἱ μυῖαι λυμαίνονται τοῖς νεκροις σώμασι .
msA, 19.2015office4_3, commenting on 19.34 αλλὰ σύ γ’ εἰς αγορὴν ὅτι πάντες ἥρωες ἐλέγοντο οῦχ οἱ βασιλεῖς ὡς Ἴστρος βραχὺ δὲ διασταλτέον Ἀχαιοὺς . καὶ λαῶν προς τὸ σαφέστερον
msAil, 19.2015office4_1, commenting on 19.27@αἰὼν ** ** ο μυελός
msAim, 19.2015office4_1, commenting on 19.27 ουτ Αρισταρχ δια τοῦ η σαπήῃ
msAim, 19.2015office4_2, commenting on 19.30 παρα Αριστοφάνους ἀλαλκέμεν ⁚
msAim, 19.2015office4_3, commenting on 19.40 ἐν ἄλλῳ ποδαρκης δῖος Αχι ⁚
msAint, 19.2015office4_1, commenting on 19.26-19.27 τουτ δια μέσου τὸ γὰρ ἑξῆς ἀεικίσσωει δε νεκρόν κατ δὲ χρόα ⁑
msAint, 19.2015office4_2, commenting on 19.41 παρα Αριστοφ καὶ Ριανῶ ερίηρας
msAint, 19.2015office4_3, commenting on 19.42 νεῶν αγῶνα τὸ ἄθροισμα τοῦ ναστάθμου ⁑