Facsimile editions Manuscript facsimiles from the Homer Multitext project
Manuscript msA, page 252v
Manuscript msA, page 252v
| prev: 252r | next: 253r |
Iliad text
19.51 αὐτὰρ ὃ δεύτατος ἦλθεν ἄναξ ἀνδρῶν Ἀγαμέμνων1
19.52 ἕλκος ἔχων· καὶ γὰρ ἐνι κρατερῇ ὑσμίνῃ
19.53 οῦτα Κόων Ἀντηνορίδης χαλκήρεϊ δουρί·
19.54 αὐτὰρ ἐπει δὴ πάντες ἀολλίσθησαν Ἀχαιοὶ .
19.55 τοῖσι δ’ ἀνιστάμενοσ μετέφη πόδας ὠκὺς Ἀχιλλεύς ·
19.56 Ἀτρείδη ῆ ἄρ τι τόδ’ ἀμφοτέροισιν ἄρειον1
19.57 ἔπλετο . σοὶ καὶ ἐμοὶ· ὅ τε νῶΐ περ ἀχνυμένω κῆρ .
19.58 θυμοβόρῳ ἔριδι μενεήναμεν εἵνεκα κούρης .
19.59 τὴν ὄφελ’ ἐν νήεσσι κατακτάμεν Ἄρτεμις ϊῷ
19.60 ἤματι τῷ· ὅτ’ ἐγὼν ἑλόμην Λυρνησσὸν ὀλέσσας .
19.61 τώ κ’ οὐ τόσσοι Ἀχαιοὶ ὀδὰξ ἕλον ἄσπετον οῦδας
19.62 δυσμενέων ὑπο χερσὶν . ἐμεῦ ἀπομηνίσαντος·1, 2
19.63 Ἕκτορι μὲν καὶ Τρωσὶ . τὸ . κέρδιον . αὐτὰρ Ἀχαιοὺς .1
19.64 δηρὸν ἐμῆς καὶ σῆς ἔριδος μνήσεσθαι ὀΐω·
19.65 ἀλλὰ τὰ μὲν προτετύχθαι ἐάσομεν ἀχνύμενοί περ .
19.66 θυμὸν ἐνι στήθεσσι φίλον δαμάσαντες ἀνάγκῃ·
19.67 νῦν δ’ ἤτοι μὲν ἐγὼ παύω χόλον· οὐδέ τι με χρὴ1
19.68 ἀσκελέως αἰεὶ μενεαινέμεν· ἀλλ’ άγε θᾶσσον1
19.69 ὄτρυνον πόλεμον δὲ κάρη κομόωντας Ἀχαιούς .
19.70 ὄφρ’ ἔτι καὶ Τρώων πειρήσομαι ἀντίον ἐλθὼν .1
19.71 αί κ’ ἐθέλωσ’ ἐπι νηυσὶν ϊαύειν· ἀλλά τιν’ οἴω1
19.72 ἀσπασίως αὐτῶν γόνυ κάμψειν . ὅς κε φύγῃσι1
19.73 φεύγων ἐκ πολέμοιο . ὑπ’ έγχεος ἡμετέροιο·1
19.74 ὡς ἔφαθ’ . οἱ δ’ ἐχάρησαν ἐϋκνήμιδες Ἀχαιοὶ
19.75 μῆνιν ἀπειπόντος μεγαθύμου Πηλείωνος ·1
Scholia text
msA, 19.2015office5_1, commenting on 19.51 αὐτὰρ ὃ δεύτατος . ὅτι δεύτατος ἀπο τοῦ δεύεσθαι ὁ ἔσχατος· τὸ δὲ δεύεσθαι ἐνδεῖν ἐστι προσυνήχθη δὲ τὸ πλήθος ὑπ’ Ἀχιλλέως
msA, 19.2015office5_2, commenting on 19.56 Ατρείδη . ῆ άρ τι . τὸν ῆ σύνδεσμον περισπαστέον ἔστι γὰρ διστακτικῆς τῆς κλητικῆς ἀνάπαυσιν λαβούσης· εἰσὶ μέντοι οἳ ἐνέκλιναν αὐτὸν καθ’ ὑπερβατὸν συντάσσοντες τῷ περ ἵνα τὸ ὅλον τοιοῦτον ῇ ἵνα ηϊ ερώτησις Ἀτρειδη ἆρά τις κρείσσων ἐκ τῆς ἔριδος ἐγένετο ἡμῖν . ἐν δὲ τῇ Χίᾳ ὄνειαρ ἐγέγραπτο ἐν τῇ Μασσαλιωτικῇ ἄμεινον .
msA, 19.2015office5_3, commenting on 19.62 δυσμενέων ὑπο χερσίν ὅτι ἀντι τοῦ ὑπο χειρῶν καὶ ὅτι περισσὴ . ἡ ἀπο προθ ἀντι τοῦ μηνίσαντος Νικίας ἀναστρέφει τὴν πρόθεσιν· οὐκ αναγκαῖον δὲ
msA, 19.2015office5_4, commenting on 19.62 ἐμεῦ ἀπομηνίσαντος ὁ μὲν Ἀσκαλωνίτης ὡς ἀποφοιβήσαντος καὶ οὕτως ἔχει ἡ παράδοσις
msA, 19.2015office5_5, commenting on 19.63 Ἕκτορι μὲν καὶ Τρωσὶ τὸ . ἀντωνυμία μὲν ὁμολογουμένως τὸ τό μόριον οὐ μὴν διασταλτέον κατ αυτὸ ὡς ἔδοξε τισίν
msA, 19.2015office5_6, commenting on 19.71 αί κ’ εθέλωσ’ ὅτι τὸ ϊαύειν οὐκ έστι νῦν κοιμᾶσθαι ἀλλ επαυλίζεσθαι ὡσ καὶ ἐγὼ πολλὰς μὲν ἀΰπνουσ νύκτας ΐαυον . ὅτι ἀντι τοῦ αί κ’ ἐθέλοιεν
msAil, 19.2015office5_1, commenting on 19.72@κάμψειν ** ** διαπαυσεσθαι
msAim, 19.2015office5_1, commenting on 19.67 ὅτι αντιπεφρακε τῆ μήνιδι τὸν χολον
msAim, 19.2015office5_2, commenting on 19.70 ουτως αρισταρχ δια τοῦ ν αντίον
msAim, 19.2015office5_3, commenting on 19.73 γρ δηΐου ἐκ πολέμοιο
msAim, 19.2015office5_4, commenting on 19.75 Αρισταρχ ἔξω τοῦ ο ἀπειπόντος καὶ αἱ πλείους
msAint, 19.2015office5_1, commenting on 19.68 ὅτι νῦν ἀντὶ τοῦ θυμοῦσθαι