Manuscript msA, page 259r

Manuscript msA, page 259r

prev: 258v

next: 259v

Iliad text

19.377 σταθμῷ ἐν οἰοπόλῳ . τοὺς δ’ οὐκ εθέλοντας ἄελλαι

19.378 πόντον ἐπ’ ϊχθυόεντα . φίλων ἀπάνευθε φέρουσιν .

19.379 ὡς ἀπ’ Ἀχιλλῆος σάκεος σέλας αἰθέρ’ ΐκανεν

19.380 καλοῦ . δαιδαλέου· περὶ δὲ τρυφάλειαν ἀείρᾱς1

19.381 κρατὶ θέτο βριαρήν· ἡ δ’ ἀστὴρ ὡς ἀπέλαμπεν

19.382 ἵππουρις τρυφάλεια· περισσείοντο δ’ έθειραι

19.383 χρύσεαι . ἃς Ἥφαιστος ΐει λόφον ἀμφὶ θαμειάς·

19.384 πειρήθη δ’ , ἕο αὐτοῦ ἐν έντεσι δῖος Ἀχιλλεὺς ·1, 2

19.385 εἴ οἱ ἐφαρμόσσειε . καὶ ἐντρέχοι ἀγλαὰ γυῖα·1

19.386 τῷ δ’ ηῦτε πτερὰ γίγνετ’ . ἄειρε δὲ ποιμένα λαῶν·1, 2, 3, 4

19.387 ἐκ δ’ ἄρα σύριγγος πατρώϊον ἐσπάσατ’ ἔγχος1

19.388 βριθὺ , μέγα . στιβαρόν· τὸ μὲν οὐ δύνατ’ ἄλλος Ἀχαιῶν1

19.389 πάλλειν· ἀλλά μιν οἶος ἐπίστατο πῆλαι Ἀχιλλεὺς

19.390 Πηλιάδα μελίην . τὴν πατρὶ φίλῳ τάμε Χείρων1

19.391 Πηλίου ἐκ κορυφῆς . φόνον ἔμμεναι ἡρώεσσιν·1

19.392 ἵ̈ππους δ’ Αὐτομέδων τε καὶ Ἄλκιμος ἀμφιέποντες1

19.393 ζεύγνυον· ἀμφὶ δὲ καλὰ λέπαδν’ ἕσαν . ἐν δὲ χαλινου̏ς1, 2

19.394 γαμφηλῇς ἔβαλον· κατὰ δ’ ἡνία τεῖναν ὀπίσσω

19.395 κολλητὸν ποτὶ δίφρον· ὁ δὲ μάστιγα φαεινὴν

19.396 χειρὶ λαβὼν ἀραρυῖαν , ἐφ’ ἵπποιϊν ἀνόρουσεν·

19.397 Αὐτομέδων · ὄπιθεν δὲ κορυσσάμενος βῆ Ἀχιλλεὺς .

19.398 τεύχεσι παμφαίνων , ὥς τ’ ἠλέκτωρ Ὑπερίων ·1

19.399 σμερδαλέον δ’ ἵπποισιν ἐκέκλετο πατρὸς ἑοῖο·

19.400 Ξάνθέ τε καὶ Βαλίε . τηλεκλυτὰ τέκνα Ποδάργης .1

19.401 ἄλλως δὴ φράζεσθε σαωσέμεν ἡνιοχῆα1

Scholia text

msA, 19.hc_9, commenting on 19.380 καλοῦ δαιδαλέου⁚ ὅτι ἀναλαβὼν τὴν ἀσπίδα μετα ταυτ ἐπι πᾶσι τὴν περικεφαλαίαν τίθησιν ⁑

msA, 19.hc_10, commenting on 19.384 πειρήθη δ’ ἕο αὐτοῦ· ὅτι Ζηνοδοτος γράφει ἑοῦ αυτοῦ συγχεῖ δὲ τὸ σύναρθρον ἀντι ἀπολελυμένου λαμβάνων ⁑

msA, 19.hc_11, commenting on 19.385 τὴν οι ἀντωνυμίαν περισπᾷ ὁ Ἀσκαλωνίτης καὶ φησὶ κεῖσθαι δοτικὴν ἀντι γενικῆς . οἱ δὲ βαρυτονοῦσιν· ἔστι μὲν οὖν καὶ ἐγκλϊτικὴν εὑρέσθαι τὴν οἱ ἀντι γενικῆς κειμένην ὥσπερ ἐπι τοῦ οἱ δέ οἱ ἐβλάφθησαν ἔστι δὲ καὶ ὀρθοτονουμε ἀντὶ αιτιατ ὥσπερ ἐπι τοῦ νευσ ἐπι οἱ καλέσας . καὶ προτί οἱ δὲ λαβῶν ἔντερα · οὐ μέντοι ποτὲ ἐν τῆ καλουμένῃ ἐπιταγματικῇ συντάξει ἄλογον γὰρ τὸ τοιοῦτον ὥστε ἐπιφέρεσθαι τὴν αὐτοῦ γενικὴν καὶ τὴν οι προκεῖσθαι δοτικὴν ὑπάρχουσαν ὅπερ οὐχ ὑγιές· ἀεὶ γὰρ ταῖς πρωτοτύποις ὁμοιοπτῶτος συντάσσεται ἡ αὐτοῦ ἀντωνυμία· πιστέον οὖν Ἀριστάρχῳ γράφοντι πειρήθη δ’ ἕο αυτοῦ ⁑

msA, 19.hc_12, commenting on 19.386 τῷ δ’ εῦτε , πτερὰ οὕτως γραπτέον τῷ δ’ εῦτε ἵνα ᾗ ὡσεὶ πτερὰ δια τὴν κουφότητα ἔξωθεν δὲ τὸ ως . πρότερον δὲ γράφων ὁ Ἀρίσταρχ τῷ δ’ εὗτε καὶ κατα συστολὴν δεχόμενος ἀντι τοῦ ηῦτε ὡς επι τοῦ εὐτ ορεος κορυφῇσι μετέγραψεν ὕστερον τῷ δ’ αὖτε , ἐμφατικώτερον νομίσας εἶναι ὑπακουομένου τοῦ ως ὡς κἀκεῖ καί ρ’ ἀπολείβεται ⁑

msA, 19.hc_13, commenting on 19.386 τῷ δ’ εὖτε , οὕτως εὗτε Ἀρίσταρχ συνέσταλται δὲ τὸ ηῦτε καὶ δια τοῦ ε εἴρηται· παρα δε Ἀριστοφά τῷ δ’ ὥστε , ἐν δὲ ταῖς ἀπο τῶν πόλεων τῶν δ’ αὖτε ⁑

msA, 19.hc_14, commenting on 19.387 ἐκ δ’ ἄρα σύριγγος· ἀθετοῦνται στίχοι τέσσαρες . ὅτι ἐκ τοῦ Πατρόκλου ὁπλισμοῦ μετάκεινται· ἡ δὲ περιεστιγμένη διπλῆ ὅτι ἐνταῦθα μὲν αὐτοὺς Ζηνόδοτος καταλέλοιπεν ἐπι δε Πατρόκλου ἠθέτηκεν· ἐκεῖ δὲ ἀναγκαίως λέγονται ἵνα γνῶμεν δια τί οὐκ έλαβε τὴν μελίαν ⁑

msA, 19.hc_15, commenting on 19.398 ἠλέκτωρ⁚ ὁ εἰς λέκτρον μη χόμενος ἢ παρα τὸ μὴ κοιμᾶσθαι εἰλούμενον διὸ ἵππους αὐτῷ οὐχ ὑποζεύγνυσι· τὸν δὲ ουνον ὄχημα αὐτοῦ φησιν . ἢ μάλλον ὁ μὴ κοιμίζων· τὰ γὰρ εἰς τωρ κατ ενέργειαν τάσσει ὡς τὸ σημάντωρ κοσμήτωρ · λέγω δὲ τὸ κοιμίζω λέξον δή με τάχιστα ⁑

msA, 19.hc_16, commenting on 19.400 Ξάνθε τε καὶ Βαλίε . σημειοῦνται τινὲς ὅτι ἐντεῦθεν ἡ διασκευὴ τοῦ τεθρίππου πεποίηται· Ξανθέ τε καὶ σὺ Πόδαργε ⁑

msAext, 19.hc_1, commenting on 19.386 ** ** εῦτε

msAext, 19.hc_2, commenting on 19.401 ** ** ἡνιοχῆας

msAext, 19.hc_3, commenting on 19.402 ** ** ἕωμεν

msAil, 19.hc_4, commenting on 19.393@ἕσαν ** ** περιέβαλον⁚

msAim, 19.hc_5, commenting on 19.384 ουτ εο αὐτοῦ αἱ Ἀρισταρχ Ζηνοδ εου αυτοῦ ⁑

msAim, 19.hc_6, commenting on 19.392 οτ τὸν Ἀλκιμέδοντ νῦν Αλκιμον λέγει ⁑

msAint, 19.hc_1, commenting on 19.386 Αρισταρχ εῦτε

msAint, 19.hc_2, commenting on 19.388 οὐδὲ ἐν ταῖς ἄλλαις ησαν οἱ αθετούμενοι ⁑

msAint, 19.hc_3, commenting on 19.390 καὶ πόρε Xείρων ⁑

msAint, 19.hc_4, commenting on 19.391 ουτ πληθυντικῶς αι Αρισταρχ ⁑

msAint, 19.hc_5, commenting on 19.393 ουτ δια τοῦ ο ζεύγνυον ⁑