Manuscript msA, page 259v

Manuscript msA, page 259v

prev: 259r

next: 260r

Iliad text

19.402 ὰψ Δαναῶν ἐς όμιλον . ἐπεί χ’ ἑῶμεν πολέμοιο·1, 2, 3

19.403 μηδ’ ὡς Πάτροκλον λίπετ’ αὐτοῦ τεθνειῶτα ·1, 2

19.404 τὸν δ’ ὰρ ὑπὸ ζυγόφιν προσέφη πόδας αἰόλος ἵππος

19.405 Ξάνθος . ἄφαρ δ’ ἤμυσε καρήατι . πᾶσα δὲ χαίτη1

19.406 ζεύγλης ἐξεριποῦσα παρὰ ζυγὸν οῦδας ΐκανεν·

19.407 αὐδήεντα δ’ έθηκε θεὰ λευκώλενος Ἥρη ·1

19.408 καὶ λίην σ’ ἔτι νῦν γε σαώσομεν ὄβριμ’ Ἀχιλλεῦ ·

19.409 ἀλλά τοι ἐγγύθεν ἦμαρ ὀλέθριον . οὐδέ τοι ἡμεῖς

19.410 αἴτιοι· ἀλλὰ θεός τε μέγας καὶ Μοῖρα κραταιή·

19.411 οὐδὲ γὰρ ἡμετέρῃ βραδυτῆτί τε νωχελίῃ τε

19.412 Τρῶες ἀπ’ ὤμοιϊν Πατρόκλου τεύχε’ ἕλοντο·

19.413 ἀλλὰ θεῶν ὥριστος , ὃν ἠΰκομος τέκε Λητὼ .

19.414 ἔκταν’ ἐνι προμάχοισι· καὶ Ἕκτορι κῦδος ἔδωκε·

19.415 νῶϊ δὲ καὶ κεν ἅμα πνοιῇ Ζεφύροιο θέοιμεν

19.416 ἥν περ ἐλαφροτάτην φὰσ’ ἔμμεναι· ἀλλὰ σοὶ αὐτῷ1

19.417 μόρσιμόν ἐστι θεῷ τε καὶ ἀνέρι ῗφι δαμῆναι·

19.418 ὡς ἄρα φωνήσαντος . Ἐρινύες ἔσχεθον αὐδήν .1

19.419 τὸν δὲ μέγ’ ὀχθήσας προσέφη πόδας ὠκὺς Ἀχιλλεύς ·

19.420 Ξάνθε , τί μοι θάνατον μαντεύεαι· οὐδέ τι σε χρή·

19.421 εῦ ναί τοι οἶδα καὶ αὐτὸς . ὅ μοι μόρος ἐνθάδ’ ὀλέσθαι

19.422 νόσφι φίλου πατρὸς καὶ μητέρος· ἀλλὰ καὶ ἔμπης

19.423 οὐ λήξω . πρὶν Τρῶας άδην ελάσαι πολεμοιο·

19.424 ῆ ῥα· καὶ ἐν πρώτοις ϊάχων ἔχε μώνυχας ἵ̈ππους

Scholia text

msA, 19.hc_17, commenting on 19.402 ‡ ὰψ Δαναῶν ⁚ ὅτι δασυντέον τὸ εῶμεν · ἔστι γὰρ ἄδην ἔχομεν κορεσθῶμεν ⁑

msA, 19.hc_18, commenting on 19.407 αὐδήεντα δ’ έθηκε⁚ ἀθετεῖται ὡς περιττὸς καὶ ἐναντιον ἔχων ἐπιφέρει γὰρ ὡς ἄρα φωνήσαντες Ἐρινύες ἔσχεθον αὐδήν . ὡς δηλονότι καὶ παρασχοῦσαι τοιοῦτος γὰρ ὁ ποιητ · τὸν μὲν ἀρίζηλον θῆκε θεὸς ὥσπερ ἔφηνεν ⁑

msA, 19.hc_19, commenting on 19.405 ἤμυσε καρήατι⁚ παρέκλινε τὴν κεφαλήν αὐτοῦ ταχέως δὲ εἰς θάττερον μέρος ἔκλινε τὴν κεφαλήν· παρεπιστρέψας εἰς τοῦπίσω ὡς προσβλέψων τῷ Ἀχιλλεῖ μέλλων αὐτ διαλέγεσθαι ⁑

msA, 19.hc_20, commenting on 19.416 ἥνπερ ἐλαφρότατον· ἀθετοῦνται στιχ καὶ οῦτοι οἱ δύο ὅτι οὐκ αναγκαῖοι εἰσὶν . οἵδαμεν γὰρ ὅτι ἡ πνοὴ ἐλαφροτάτῃ ἐστί· τὸ δὲ καὶ προσθεῖναι φασὶν ὡς ἀπο ϊστορίας ἐστι παρειληφότα ἀγνοούμενόν τι καὶ ἀπίθανον ἵππον λέγειν φασὶν ὥσπερ ἄνδρα πολυΐστορα ⁑

msA, 19.hc_21, commenting on 19.418 ὡς ἄρα φωνήσαντος· οὕτως εἰπόντος φησὶ τοῦ ἵππου ἐπέσχον αὐτοῦ αἱ Ἐρινύες τὴν φωνὴν πάντα γὰρ τὰ παράλογα καὶ τεράστια δοκεῖ ὑπο Ἐρινύων γίνεσθ ἡ διπλῆ δὲ πρὸς τὴν ἀθέτησιν τοῦ αὐδήεντα δ’ ἔθηκεν · εἰ γὰρ ἡ Ἥρα παρέσχεν καὶ ἐπισχεῖν ὄφειλεν οὐχ αἱ Ἐρινύες ⁑ ⁑

msAext, 19.hc_4, commenting on 19.403 ** ** αὐτόθι

msAim, 19.hc_7, commenting on 19.402 ἐν αλλ · ὰψ λαῶν

msAim, 19.hc_8, commenting on 19.403 γράφεται λίπετ’ αὐτόθι ⁑