Facsimile editions Manuscript facsimiles from the Homer Multitext project
Manuscript msA, page 282v
Manuscript msA, page 282v
| prev: 282r | next: 283r |
Iliad text
22.8 τίπτέ με Πηλέος υἱὲ ποσὶν ταχέεσσι διώκεις
22.9 αὐτὸς θνητὸς ἐὼν , θεὸν ἄμβροτον . οὐδέ νύ̆ πώ με
22.10 ἔγνως ὡς θεός εἰμι· σὺ δ’ ἀσπερχὲς μενεαίνεις·
22.11 ῆ νύ τοι οὔ τι μέλει Τρώων πόνος . οὓς ἐφόβησας .1
22.12 οἳ δή τοι εἰς ἄστυ ἄλεν· σὺ δὲ δεῦρ’ ἐλιάσθης·
22.13 οὐ μέν με κτενέεις . ἐπεὶ , οὔ τοι μόρσιμός εἰμι·
22.14 τὸν δὲ μέγ’ ὀχθήσας προσέφη πόδας ὠκὺς Ἀχιλλεύς ,
22.15 ἔβλαψάς μ’ ἑκάεργε θεῶν ὀλοώτατε πάντων
22.16 ἐνθάδε νῦν τρέψας ἀπὸ τείχεος . ἦ κ’ έτι πολλοὶ
22.17 γαῖαν ὀδὰξ εἷλον , πρὶν Ἴ̈λιον εἰσ ἀφικέσθαι·
22.18 νῦν δ’ ἐμὲ μὲν μέγα κῦδος ἀφείλεο . τοὺς δ’ ἐσάωσας·
22.19 ῥηϊδίως· ἐπεὶ οὔ τι τίσιν γ’ ἔδδεισας ὀπίσσω·
22.20 ἦ σ’ , ἂν , τισαίμην , εἴ μοι δύναμίς γε παρείη·1
22.21 ὡς εἰπὼν . προτὶ ἄστυ , μέγα φρονέων ἐβεβήκει .
22.22 σευάμενος , ὥς θ’ ἵππος ἀεθλοφόρος σὺν όχεσφιν·
22.23 ὅς ῥά τε ῥεῖα θέῃσι τιταινόμενος πεδίοιο·1, 2
22.24 ὡς Ἀχιλεὺς λαιψηρὰ πόδας καὶ γούνατ’ ἐνώμα·
22.25 τὸν δ’ ὁ γέρων Πρίαμος πρῶτος ἴ̈δεν ὀφθαλμοῖσι
22.26 παμφαίνονθ’ ὥς τ’ ἀστέρ’ . ἐπεσσύμενον πεδίοιο·1
22.27 ὅς ῥά τ’ ὀπώρης εἶσιν , ἀρίζηλοι δέ οι αὐγαὶ1
22.28 φαίνονται πολλοῖσι μετ’ ἄστρασι , νυκτὸς ἀμολγῷ·1
22.29 ὅν τε κύν’ Ὠρίωνος ἐπίκλισιν καλέουσι·1, 2, 3
22.30 λαμπρότατος μὲν ὅ δ’ ἐστί , κακὸν δέ τε σῆμα τέτυκται·
22.31 καί τε φέρει πολλὸν πυρετὸν δειλοῖσι βροτοῖσιν·1, 2
22.32 ὣς τοῦ χαλκὸς ἔλαμπε περὶ στήθεσσι θέοντος .
Scholia text
msA, 22.4, commenting on 22.11 ῆ νύ τοι οὔ τι μέλει Τρώων πόνος οὓς ἐφόβησας· ὅτι σαφῶς ὁ πόνος οὐκ έστιν ἀλγηδών· οὐ γὰρ ἂν λέγοιτο οὐ μέλει σοι ἡ τῶν Τρώων ἀλγηδών· ἀλλ’ οὕτως εἴρηκεν ἀντι τοῦ οῦ μέλλει σοι τὸ περὶ τοὺς Τρῶας πονεῖν καὶ ἐνεργεῖν καὶ ὅτι ἐφόβησας εἰς φυγὴν ἔτρεψας·
msA, 22.5, commenting on 22.23 ὁς ῥά τε ῥεῖα· ὅτι θέησιν ἀντι τοῦ θέη πλεονάζει δὲ τῷ τοιούτῳ σχήματι Ἴβυκος καὶ ὅτι ἐλλειπει ἡ δία διὰ πεδίου·
msA, 22.6, commenting on 22.29 ὄν τε κύν’ Ὠρίωνος . ὁ Σιδώνιος ὑφ ἓν ἀναγινώσκει ἄμεινον δὲ κατα παράθεσιν ὅτι οἱ κῦνες πολλάκις ὀνομάζονται μετα τῶν κτητόρων . οἷον Κέρβερος Ἅιδου · Ὄρθος Γηρυόνου , Ἄλκαινα Ἀκταίωνος . οὕτως κυνα Ὡρίωνος τὸ δε κυνηγετικον αὐτον εἰναι καὶ πλησίον κατηστέρισαν τὸν κύνα ⁑
msA, 22.7, commenting on 22.29 ὀν τε Κυνωρίωνος . τὸν ἀστρωῶν κύνα οὕτ ἔφη . ἔνιοι δε φασὶν τὸν κατηστερισμένον κύνα οὐκ Ὠρίωνος ἀλλ’ Ηριγένης ὑπάρχειν ὃν κατηστερισθῆναι δια τοιαύτην αιτίαν· Ϊκάριος . γένος μὲν ἧν Ἀθηναῖος ἔσχεν δὲ θυγατέρα μονογενῆ Ἡριγόνην ἥτις κύνα νήπιον ἔτρεφε· ξενίσας δέ ποτε ὁ Ϊκαριος Διόνυσον ἔλαβεν ἀπ αυτοῦ οἶνόν τε καὶ ἀμπέλου κλῆμα . κατα δε τὰς τοῦ θεοῦ ὑποθήκας περίϊει τὴν γῆν προφαίνων τὴν τοῦ Διονύσου χαριν έχων σὺν ἑαυτῷ τὸν κύνα . γενόμενος δὲ ἐντὸς τὴς πόλεὼς βουκόλοις οἶνον παρέσχεν· οἱ δὲ ἀθρόως ἐμφορησάμενοι οἱ μὲν ἐς βαθὺν ὕπνον ἐτράπησαν· οἱ δὲ περιλειπόμενοι νομίσαντες θανάσιμον εῖναι φαρμακον τὸ πόμα , πλήσσοντες ἐφόνευσαν τὸν Ϊκάριον · μεθ ἡμέραν δὲ νηψάντῶν αὐτῶν καταγνώντες ἑαυτῶν εἰς φυγὴν ἐτράπησαν· ὁ δε κύων ὑποστρέψας προς τὴν Ηριγένην δι ορυγμοῦ ἐμήνυσε αὐτῆ τὰ λεγόμενα . ἡ δε μαθοῦσα τ’ ἀληθὲς ἑαυτὴν ἀνήρτησε νόσου δὲ ἐν Ἀθήναις γενομένης κατα χρησμὸν Ἀθηναῖοι τόν τε Ϊκαριον καὶ τὴν καὶ τὴν Ἡριγόνην ἐνιαυσίαις ἐγεραιρον τιμαῖς . οἱ καὶ καταστερηθέντες Ϊκάριον μὲν βοώτης ἐκλήθη· Ἡριγόνη δὲ παρθένος · ὁ δε κύων τὴν αὐτὴν ὀνομασίαν ἔσχεν . ἡ ϊστορία παρὰ Ἐρατοσθένει ⁑
msA, 22.8, commenting on 22.28 πολλοῖσι μετ’ άστρασι· Ἀρίσταρχος ὡς πατράσιν· ἄμεινον δὲ προπαροξύνειν ὥσπερ καὶ τοῖς πλείωσιν ἔδοξε καὶ Φιλοξένῳ ἵνα αὐτῆς τῆς πτώσεως λέγω δὲ τῆς δοτικῆς μεταπλασμον λάβωμεν· ὅτι γὰρ κατα πτῶσιν γίνονται μεταπλασμοὶ ἐξουσίᾳ ποιητικῇ δεδήλωταί μοι ἐν ετέροις . ὃν οὖν τρόπον . ἡ ἐγκάτοις ἔγκασιν ἐγένετο· ἔγκασι φωτός καί οὐκ ἀναγκαζόμεθα ἑνικὴν εὐθεῖαν ἀκόλουθον ἐπιζητεῖν . ἥ τε προβάτοις πρόβασιν , ἥ τε πετάλοις πέταλσι , οὕτως ἄστροις ἄστρασι ἐπεισελθόντος τοῦ ᾱ ἵνα συστῆ ἡ λέξις ⁑
msA, 22.9, commenting on 22.31 καί τε φέρει πολλὸν· ὅτι ἅπαξ ἐνταῦθα ὁ πυρετός . καὶ ὅτι πυρετὸν κυρίως λέγει οὐχ ώς τινες δέχονται τὴν διάκαυσιν τοῦ ἀέρος πρὸς γὰρ τὸ φθοροποιὸν ἡ παραβολή· καὶ ὅτι δειλοῖσιν ἀντι τοῦ δειλαίοις .
msAext, 22.1, commenting on 22.31 ση ὅτι ἅπαξ ὁ πυρετός·
msAil, 22.2, commenting on 22.26@ὀπώρῃς ἐῖσιν αν εισιν ἀνατέλλει
msAim, 22.2, commenting on 22.20 ἀπ’ ἀλλης ἀρχῆς τοῦτο ἀναγνωστ τοῦ η ψιλουμενον ⁑
msAim, 22.3, commenting on 22.23 ουτ λείπει ἡ δι α δια πεδιου ⁑
msAim, 22.4, commenting on 22.29 οτ περισσὸς ὁ τὲ σύνδεσμος ⁑
msAint, 22.1, commenting on 22.27 οτ αντ αρίδηλοι οὐ γὰρ ὁ ζηλοί ἔγκειται ⁑