Manuscript msA, page 284r

Manuscript msA, page 284r

prev: 283v

next: 284v

Iliad text

22.83 αὐτήν . εἴ ποτέ τοι λαθικηδέα μαζὸν ἐπέσχον .1, 2

22.84 τῶν μνῆσαι φίλε τέκνον . ἄμυνε δὲ δήϊον ἄνδρα·1

22.85 τείχεος ἐντὸς ἐών . μὴ δὲ πρόμος ἵστασο τούτῳ·1, 2

22.86 σχέτλιος· εἴ περ γάρ σε κατακτάνῃ . οὔ σ’ ἔτ’ ἔγωγε

22.87 κλαύσομαι ἐν λεχέεσσι φίλον τέκος . ὃν τέκον αὐτὴν·1

22.88 οὐδ’ ἄλοχος πολύδωρος· ἄνευθε δέ σε μέγα , νῶϊν .1

22.89 Ἀργείων παρὰ νηυσὶ κύνες ταχέες κατέδονται·

22.90 ὡς τό γε κλαίοντε προσαυδήτην φίλον υἱὸν ,

22.91 πολλὰ λισσομένω . οὐδ’ Ἕκτορι θυμὸν ἔπειθον·1

22.92 ἂλλ’ ὅ γε μίμν’ Ἀχιλῆα πελώριον ἆσσον ἰ̈όντα·

22.93 ὡς δε δράκων ἐπὶ χειῇ ὀρέστερος ἄνδρά μένῃσι1, 2

22.94 βεβρωκὼς κακὰ φάρμακ’ . ἔδυ δέ τε μιν χόλος αἰνὸς .

22.95 σμερδαλέον δὲ δέδορκεν , ἐλισσόμενος περὶ χειῇ .

22.96 ὡς Ἕκτωρ ἄσβεστον ἔχων μένος . οὐχ ὑπεχώρει·

22.97 πύργῳ ἔπι προὔχοντι φαεινὴν ἀσπίδ’ ἐρείσας·

22.98 ὀχθήσας δ’ ἄρα εἶπε προς ὃν μεγαλήτορα θυμόν·

22.99 ᾤ μοι ἐγών . εἰ μέν κε πύλας καὶ τείχεα δύω ,

22.100 Πουλυδάμας μοι πρῶτος ἐλεγχείην ἀναθήσει·

22.101 ὅς μ’ ἐκέλευε Τρωσὶ ποτι πτόλιν ἡγήσασθαι

22.102 νύχθ’ ὕπο τῆνδ’ ὀλοήν . ὅτε τ’ ὤρετο δῖος Ἀχιλλεύς .1

22.103 ἂλλ’ ἐγὼ οὐ πιθόμην , ἦ τ’ ἂν , πολὺ κέρδιον ῆεν·

22.104 νῦν δ’ ἐπεὶ ὤλεσα λαὸν ἀτασθαλίῃσιν ἐμῇσιν .1

22.105 αἰδέομαι Τρῶας καὶ Τρῳάδας ἑλκεσιπέπλους .

22.106 μή ποτέ τις εἴπῃσι κακώτερος ἄλλος ἐμεῖο .

22.107 Ἕκτωρ ἧφι βίηφι πιθήσας . ὤλεσε λαόν·

Scholia text

msA, 22.24, commenting on 22.83-22.84 αὐτὴν εἴποτέ τοι· ἤτοι συναπτέον μέχρι τοῦ ἐπέσχον εἶτα ἀπ’ άλλης ἀρχῆς , τῶν μνῆσει φίλε τέκνον· ῆ στικτέον αὐτή . εἶτ’ ἀπ’ άλλης ἀρχῆς . εἴποτέ τοι λάθη κηδέα ἔστι δὲ ὑποστιγμὴ μετα τὸ ἐπέσχον ⁑

msA, 22.25, commenting on 22.84 τῶν μνῆσαι φίλε τέκνον· ὅτι ἰδίως  φίλε τέκνον  ἀντι τοῦ φίλον τέκνον . καὶ  ἄμυνε  ἀντι τοῦ ἀμύνου ⁑

msA, 22.26, commenting on 22.85 τείχεος ἐντὸς ὅτι σαφῶς  πρόμος  ὁ πρόμαχος οὐχ ὁ βασιλεύς  ⁑

msA, 22.27, commenting on 22.88 οὐδ’ ἄλοχος πολύδωρος : ὅτι ἔδνα ἐδίδοσαν οἱ παλαιοὶ ταῖς θυγατράσι· καὶ πολύδωρον λέγει τὴν πολύεδνον  ⁑

msA, 22.28, commenting on 22.91 πολλὰ λισσομένω· ὅτι ὑπερβίβασται ὁ δε   Ἔκτορι δὲ θυμὸν οῦκ ἔπειπον  προς τὸ οὐδ’ ἴ̈κετο γήραος οὐδόν ⁑

msA, 22.29, commenting on 22.93 ὡς δε δράκων ἐπι εχειῆ · ὅτι τὴν τῶν ὄφεων κατάδυσιν χειὰν εἴρηκεν ἀπο τοῦ χεῖσθαι ὅ ἐστι χωρῆσαι . εἰς αυτὸ γὰρ μόνον μηχανῶνται οἱ ὄφεις εἰς τὸ χωρῆσαι τὸ σῶμα ὥσπερ ἕλυτρον . οὐδ’ ὡς δ’ ἀμφοτέρους ὅδε χείσεται · ἔνιαι δὲ τῶν κατα πόλεις δια τοῦ  ν ὀρέστερον , καὶ ἀντι τοῦ μένῃσι δοκεύῃ ⁑

msAil, 22.13, commenting on 22.83@λαθικηδέα τὸν λήθην ἐμποιοῦντα τοῖς παισὶ τῶν κακῶν ἁπαντα

msAil, 22.14, commenting on 22.93@ὀρέστερος ἐν όρει διατρίβων

msAil, 22.15, commenting on 22.102@ὤρετο ὡρμησεν

msAil, 22.16, commenting on 22.104@ἀτασθαλίῃσιν φρενοβλαβίαις

msAim, 22.12, commenting on 22.85 ουτ Αρισταρχ ἄλλοι δὲ ἰων ⁑

msAim, 22.13, commenting on 22.87 γράφεται φίλον θάλος· ⁑

msAint, 22.9, commenting on 22.83 ουτ διὰ τ τ εἴποτέ τοι