Manuscript msA, page 290r

Manuscript msA, page 290r

prev: 289v

next: 290v

Iliad text

22.386 κεῖται παρ νήεσσι , νέκυς ἄκλαυτος . ἄθαπτος .

22.387 Πάτροκλος . τοῦ δ’ οὐκ ἐπιλήσομαι . ὄφρ’ ὰν ἔγωγε

22.388 ζωοῖσιν μετέω . καί μοι φίλα γούνατ’ ὀρώρῃ·1

22.389 εἰ δὲ θανόντων περ καταλήθοντ’ , εἰν Ἀΐδαο ·

22.390 αὐτὰρ ἐγὼ καὶ κεῖθι φίλου μεμνήσομ’ ἑταίρου·

22.391 νῦν δ’ ἄγ’ ἀείδοντες παιήονα κοῦροι Ἀχαιῶν .

22.392 νηυσὶν ἐπὶ γλαφυρῇσι , νεώμεθα· τόνδε δ’ ἄγωμεν·

22.393 ῃράμεθα μέγα κῦδος . ἐπέφνομεν Ἕκτορα δῖον .1

22.394 ᾧ Τρῶες κατὰ ἄστυ , θεῷ ὡς εὐχετόωντο·

22.395 ῆ ῥα καὶ Ἕκτορα δῖον ἀεικέα μήδετο ἔργα·

22.396 ἀμφοτέρων μετόπισθε ποδῶν τέτρηνε τένοντε1

22.397 ἐς σφυρὸν ἐκ πτέρνης . βοέους δ’ ἐξῆπτεν ϊμάντας·

22.398 ἐκ δίφροιο δ’ ἔδησε· κάρη δ’ ἕλκεσθαι ἔασεν·1

22.399 ἐς δίφρον δ’ ἀναβὰς . ἀνά τε κλυτὰ τεύχε’ ἀείρας .

22.400 μάστιξέν ῥ’ ἐλάαν . τὼ δ’ οὐκ ἄκοντε πετέσθην·

22.401 τοῦ δ’ ἦν ἑλκομένοιο κονίσαλος· ἀμφὶ δὲ χαῖται

22.402 κυάνεαι πίλναντο· κάρη δ’ ἅπαν ἐν κονίῃσι1

22.403 κεῖτο . πάρος χαρίεν· τότε δὲ Ζεὺς δυσμενέεσσι1

22.404 δῶκεν ἀεικίσσασθαι ἑῇ ἐν πατρίδι γαίῃ·

22.405 ὡς τοῦ , μὲν κεκόνιτο κάρη ἅπαν· ἡ δέ νυ μηρ

22.406 τίλλε κόμην· ἀπὸ δὲ λιπαρὴν ἔρριψε καλύπτρην

22.407 τηλόσε . κώκυσεν δὲ μάλα μέγα . παῖδ’ ἐς ϊδοῦσα

22.408 ᾤμωξεν δ’ ἐλεεινὰ πατὴρ φίλος . ἀμφι δὲ λαοὶ

22.409 κωκυτῷ τ’ εἴχοντο καὶ οἰμωγῇ κατὰ ἄστυ·

22.410 τῷ δε μάλιστ’ ὰρ’ έην ἐναλίγκιον . ὡς εὶ ἅπασα1

Scholia text

msA, 22.92, commenting on 22.398 ἐκ δίφροιο δ’ ἔδησε , δια τί Ἀχιλλεύς θανόντα σύρει τὸν Ἕκτορα καὶ λέγομεν οὐ δι’ ωμότητα ὅς γε καὶ Ἠετίωνα φονεύσας οὐκ εσύλησεν ἀλλα συν αυτοῖς τοῖς ὅπλοις ἔθαψεν . ἀλλ ὅτι πρότερος ὁ Ἔκτωρ εἱς τὸν Πάτροκλον ἀεικέα μήσατο ἔργα οἷα καὶ λέγει περι αυτοῦ κεγαλὴν δε θυμὸς ἄνωγε πῆξαι ἐπι σκολόπεσσι ταμόνθ’ ἁπαλῆς ὑπο δειρῆσ παρανομοῦσι δὲ οὐχ οἱ αμυνόμενοι , ἀλλ οἱ ἄρξαντες· ὁ δὲ Καλλίμαχος φησὶν ὅτι Θεταλοῖς τοὺς τῶν φιλτάτων φονέας σύρειν περι τοὺς τῶν φονευθέντων τάφους . Σίμων γάρ φησι τοῦτον εξάψαι τοῦ δίφρου τὸν φονέα καὶ περὶ τὸν τοῦ τετελευτηκότος τάφον ἔλκειν καὶ τὸν Ἀχιλλέα  ὡς Θεσσαλὸν πατρίῳ ἔθει τοῦτο ποιῆσαι ⁑

msA, 22.93, commenting on 22.410 ὡσει άπασα τινὲς περιέργως δια μόνου τοῦ  ϊ  γράφοντες ἀποδιδόασιν ὡς αυτῆ ἅπασα . οὐκ οῖδεν δὲ ὁ ποιητὴς οὔτε τὴν ϊ οὔτε τὴν σφείς ἔστιν οὖν ὅμοιον τῷ ἐν · σοὶ μὲν νοστήσαντι διοτρεφὲς ὧδε χωρῆσαι , ὡς ει τ’ εἰς Ϊθάκην ἀφικοίτο ⁑

msA, 22.94, commenting on 22.411 ‡ σμύχοιτο : καταφλέγοιτο· ὁ δὲ λόγος . τοιοῦτος δέ φησι θρῆνος διεγήγερτο ὡσπερεὶ τῆς Ἰλίου πάσης ὑπο πυρὸς κατφλεγομένης ·

msA, 22.95, commenting on 22.416 κηδόμενοι περ , οὕτως πληθυντικὼς αἱ Ἀρισταρχ καίπερ ὀδυνώμενοι καὶ αὐτοί ⁑

msAil, 22.41, commenting on 22.400ἄκοντε πετέσθην αντ τοῦ βουλήμενοι

msAim, 22.36, commenting on 22.388 οτ ζωὸς ἐν Αργείοισι φιλοπτολέμοισι μετείω ⁑

msAim, 22.37, commenting on 22.402 ἔν τισι πιμπλανται ⁑

msAint, 22.27, commenting on 22.403 ἐν αλλω τερπικεραυνος ⁑