Manuscript msA, page 290v

Manuscript msA, page 290v

prev: 290r

next: 291r

Iliad text

22.411 Ἴ̈λιος ὀφρυόεσσα πυρὶ σμύχοιτο κατ’ άκρης·1, 2, 3

22.412 λαοὶ μέν ῥα γέροντα μόγις ἔχον ἀσχαλόωντα·

22.413 ἐξελθεῖν μεμαῶτα πυλάων Δαρδανιάων·

22.414 πάντας δ’ ἐλλιτάνευε κυλινδόμενος κατα κόπρον·

22.415 ἐξονομακλήδην . ὀνομάζων ἄνδρα ἕκαστον·

22.416 σχέσθε φίλοι . καί μ’ οἶον ἐάσατε κηδόμενόν περ1, 2

22.417 ἐξελθόντα πόληος ἱ̈κέσθ’ ἐπι νῆας Ἀχαιῶν ·

22.418 λίσσωμ’ ἀνέρα τοῦτον . ἀτάσθαλον , ὀβριμοεργόν ,

22.419 ἤ’ν πως ἡλικίην αἰδέσσεται· ἠδ’ ἐλεήσῃ

22.420 γῆρᾰς· καὶ δέ νυ· τῷ γε πατὴρ τοιόσδε τέτυκται

22.421 Πηλεὺς . ὅς μιν ἔτικτε· καὶ ἔτρεφε πῆμα γενέσθαι

22.422 Τρωσὶ , μάλιστα δ’ εμοὶ περὶ πάντων ἄλγε’ ἔθηκε·

22.423 τόσσους γάρ μοι παῖδας ἀπέκτανε τηλεθάοντας·

22.424 τῶν πάντων οὐ τόσσον ὀδύρομαι ἀχνύμενός περ .

22.425 ὡς ἑνός , οὗ μ’ ἄχος ὀξὺ κατοίσεται Ἄϊδος εἴσω ,

22.426 Ἕκτορος . ὡς ὄφελεν θανέειν ἐν χερσὶν ἐμῇσι·

22.427 τώ κε κορεσσάμεθα κλαίοντέ τε μυρομένω τε ,

22.428 μήτηρ θ’ ἥ μιν ἔτικτε , δυσάμμορος . ἠδ’ ἐγὼ αὐτός·1

22.429 ὣς ἔφατο κλαίων· ἐπὶ δὲ στενάχοντο πολῖται·1

22.430 Τρῳῇσιν δ’ Ἑκάβη · αδινοῦ ἐξῆρχε γόοιο·

22.431 τέκνον . ἐγὼ δειλὴ τί νυ βείομαι αἰνὰ παθοῦσα·1, 2, 3

22.432 σεῦ ἀποτεθνηῶτος ἀποτεθνειῶτος . ὅ μοι νύκτάς τε καὶ ῆμαρ

22.433 εὐχωλὴ κατὰ ἄστυ πελέσκετο . πᾶσί τ’ όνειαρ1

22.434 Τρωσί τε καὶ Τρῳῇσι κατα πτόλιν : οἵ σε θεὸν ὣς1

22.435 δειδέχατ’· ῆ γὰρ κέ σφι μάλα μέγα κῦδος έῃσθα

Scholia text

msA, 22.96, commenting on 22.428 δυσάμμορος· τὸ  δυσάμμορος  ἐπίθετον ἑκατέρωθι δύναται προσδίδοσθαι βέλτιον δὲ ἴσως τοῖς ἑξῆς ⁑

msA, 22.97, commenting on 22.431 τέκνον ἐγω δειλὴ . στικτέον καὶ μετὰ τὸ  τέκνον  καὶ μετα τὸ  δειλὴ  βέλτιον δέ ἐστι συνάπτειν μετὰ τὸ τέκνον παντ ἵν’ ᾖ τὸ ἑξῆς τί νυ βείομαι εγὼ δειλη αἰνὰ παθοῦσα ⁑

msA, 22.98, commenting on 22.433 εὐχωλὴ κατα άστυ πελέσκετο . καθ εκάστην οὖν ἡμέραν φησὶν ὡς θεῷ σωτῆρι σοι ηὔχοντο· καὶ ὁ ζῶν ἰσόθεος . νῦν οὐδὲ νεκρὸς εὐτυχής ⁑

msA, 22.99, commenting on 22.434 κατα πτόλιν οἵ σε θέον· ἐμοὶ μέν φησι δόξα τοῖς δε πολίταις ὄφελος ⁑

msA, 22.100, commenting on 22.431 τέκνον ἐγὼ δειλὴ τί νυ βείομαι· ἀντι τοῦ ἐς τί ἔτι βιώσω ὅ ἑστι ζήσω· πῶς Ἑκάβη μὲν οὐ πίπτει , Ἀνδρομάχῃ τοῦτο πάσχει· ῥητεόν οὖν ὅτι ἐκείνη μὲν ἐκ τοῦ· κατολίγον . καὶ ἐκ προσαγωγῆς δεξαμένη τὸ πάθος οὐκ ηττήθη τῷ κακῷ τοσοῦτο Ἀνδρομάχῃ δὲ ἀπροσδοκήτως ἐμπεσὸν εἰκότως ἐπεκράτησεν ⁑

msA, 22.101, commenting on 22.440 ἀλλ’ ἥ γ’ ἱ̈στὸν ὕφαινε . ὅτι ἀσυμπαθὴς ἡ Ἀνδρομάχῃ ἐν τοσούτω θορύβῳ κατ οῖκον ἀτρεμοῦσα καὶ ταῦτα τὴν Ἀχιλλέως ἔφοδον οὐκ ἀγνοοῦσα , ἔοικεν οὖν φησὶν ὁ Ἀρίσταρχ προκαταχρησάμενος ὁ ποιητὴς τῷ τῆς Ἀνδρομάχης προσώπω κατα τὴν προς Έκτορος κοινολογίαν ἀπεσχίσθαι νῦν τοῦ προσώπου ⁑

msA, 22.102, commenting on 22.441 θρόνα· τὰ βαπτὰ ἔρια κατα μετουσίαν ὁμοίως τοῖς ποιοῦσι τὰ ποιούμενα ⁑

msAim, 22.38, commenting on 22.411 οτ θηλυκῶς ἡ Ί̈λιος

msAim, 22.39, commenting on 22.416 Ἀρισταρχ πληθυντικῶς  κηδομενοί περ

msAim, 22.40, commenting on 22.431 Ἀρισταρχ δια τοῦ η   βήομαι · βηώσομαι

msAint, 22.28, commenting on 22.411 ουτ Αριστ   ἐμαίχοιτ ⁑

msAint, 22.29, commenting on 22.429 γράφεται γέροντες ⁑