Manuscript msA, page 316r

Manuscript msA, page 316r

prev: 315v

next: 316v

Iliad text

24.255 ὤιμοι ἐγὼ πανάποτμος· ἐπεὶ τέκον υἷας ἀρίστους

24.256 Τροίῃ ἐν εὐρείῃ· τῶν δ’ οὔ τινα φημὶ λελεῖφθαι·

24.257 Μήστορά τ’ ἀντίθεον· καὶ Τρωΐλον ἱππιοχάρμην·1

24.258 Ἕκτορα θ’ . ὃς θεὸς ἔσκε μετ’ ἀνδράσιν· οὐδὲ ἐῴκει

24.259 ἀνδρός γε θνητοῦ πάϊς ἔμμεναι . ἀλλὰ θεοῖο·

24.260 τοὺς μὲν ἀπώλεσ’ Ἄρης . τὰ δ’ ἐλέγχεα πάντα λέλειπται·

24.261 ψεῦσταί τ’ , ὀρχησταί τε , χοροιτυπίῃσιν ἄριστοι·

24.262 ἀρνῶν ἠδ’ ἐρίφων ἐπιδήμιοι ἁρπακτῆρες·

24.263 οὐκ ἂν δή μοι ἄμαξαν ἐφοπλίσσαιτε τάχιστα .

24.264 ταῦτά τε πάντ’ ἐπιθεῖτε . ἵνα πρήσσωμεν ὁδοῖο·1

24.265 ὡς ἔφαθ’ , οἱ δ’ ἄρα πατρὸς ὑποδδείσαντες ὁμοκλὴν .

24.266 ἒκ μὲν ἄμαξαν ἄειραν . ἐΰτροχον . ἡμιονείην .

24.267 καλὴν· πρωτοπαγέα . πείρινθα δὲ δῆσαν ἐπ’ αὐτῆς·

24.268 καδ δ’ ἀπὸ πασσαλόφιν ζυγὸν ῄρεον ἡμιόνειον .

24.269 πύξινον , ὀμφαλόεν εὖ , οἰήκεσσιν ἀρηρός·1

24.270 ἐκ δ’ ἔφερον ζυγόδεσμον ἅμα ζυγῷ ἐννεάπηχυ .

24.271 καὶ τὸ μὲν εὖ κατέθηκαν ἐϋξέστω ἐπὶ ῥυμῷ·

24.272 πέζῃ ἔπὶ πρώτῃ· ἐπι δὲ κρίκον . ἕστορι βάλλον·1, 2, 3

24.273 τρὶς δ’ ἑκάτερθεν ἔδησαν . ἐπ’ ὀμφαλὸν· αὐτὰρ ἔπειτα

24.274 ἑξείης κατέδησαν . ὑπὸ γλωχῖνα δ’ ἔκαμψαν ·

24.275 ἐκ θαλάμου δὲ φέροντες . ἐϋξέστης ἐπ’ ἀπήνης1

24.276 νήεον Ἑκτορέης κεφαλῆς ἀπερείσι’ ἄποινα·

24.277 ζεῦξαν δ’ ἡμιόνους . κρατερώνυχας . ἐντεσιεργοὺς .1

24.278 τούς ῥά́ ποτε Πριάμω Μυσοὶ δόσαν ἀγλαὰ δῶρα·

24.279 ἵππους δὲ Πριάμῳ ὕπαγον ζυγὸν . οὓς ὁ γεραιὸς

Scholia text

msA, 24.31, commenting on 24.257 Μηστορά τ’ ἀντίθεον : ὅτι ἐκ τοῦ εἰρῆσθαι . ἱππιοχάρμην τὸν Τρωΐλον οἱ νεώτεροι ἐφ ἵππου διωκόμενον αὐτὸν ἐποίησαν : καὶ οἱ μὲν παῖδα αὐτὸν ὑποτίθενται Ὅμηρος δὲ δια τοῦ ἐπιθέτου τέλειον ἄνδρα ἐμφαίνει οὐ γὰρ ἄλλος ἱππόμαχος λέγεται ⁑

msA, 24.32, commenting on 24.269 πύξινον ὀμφαλόεν : οὐκ ῆν παρα Ζηνοδότῳ οὗτος ὁ στίχος οὕτως δὲ εἴρηκε κρίκους τινάς , δι’ ῶν α διείρονται καὶ οἱ ἀκιζ

msA, 24.33, commenting on 24.272 πέζῃ ἐπι πρώτῃ , ὅτι πρώτῃ ἀντὶ τοῦ ἄκρα ἄξαντ’ ἐν πρώτῳ ῥυμῷ ⁑

msA, 24.34, commenting on 24.272 ἕστορι βάλλον . δασέως ἀπο τῆς ἕσεως τὸν γὰρ βαλλόμενον πάσσαλον ἐπ άκρου τοῦ ζυγοῦ νοητέον ⁑

msA, 24.35, commenting on 24.272 ἕστορι βάλλον : τῷ πεπηγότι πασσάλῳ κατα τοῦ ῥυμοῦ καὶ τοῦ ζυγοῦ περ ὸν τὰ ζυγόδεσμα εἰλεῖται καὶ ὁ κρίκος ἔγκειται ⁑

msA, 24.36, commenting on 24.275 ἐκ θαλάμου δὲ φέροντες· διασταλτέον μετα τὸ φέροντες προς τὸ σαφεστερον ⁑

msA, 24.37, commenting on 24.277 ἐντεσιεργούς . τοὺς ὑποζυγίους καὶ μὴ ψιλῶς νωτοφόρους ἀλλα τήν τε ἄμαξαν καὶ τὴν πείρινθα ἕλκοντας ἅπερ καὶ έντεα φησίν ⁑

msAim, 24.11, commenting on 24.264 ὥς τε διακρινθειτε ⁑