Manuscript msA, page 317v

Manuscript msA, page 317v

prev: 317r

next: 318r

Iliad text

24.330 οἳ μὲν ὰρ ἄψορροι ποτὶ Ἴ̈λιον ἀπονέοντο·

24.331 παῖδες καὶ γαμβροί· τὼ δ’ οὐ λάθον εὐρύοπα Ζῆ1

24.332 ν’ ἐς πεδίον προφανέντε· ἰ̈δὼν δ’ ἐλέησε γέροντα·1

24.333 αῖψα δ’ ὰρ Ἑρμείᾱν υἱὸν φίλον ἀντίον ηύδᾱ

24.334 Ἑρμείᾱ · σοὶ γάρ τε μάλιστά τε φίλτατόν ἐστιν

24.335 ἀνδρὶ ἑταιρίσσαι· καί τ’ ἔκλυες ᾧ κ’ ἐθέλῃσθα·1

24.336 βάσκ’ ΐθι· καὶ Πρίαμον κοίλᾱς ἐπὶ νῆας Ἀχαιῶν

24.337 ὣς ἄγαγ’ . ὡς μήτ’ άρ τις ἴ̈δῃ μήτ’ άρ τε νοήσῃ1

24.338 τῶν ἄλλων Δαναῶν . πρὶν Πηλείωνα δ’ ϊκέσθαι·

24.339 ὡς ἔφατ’ . οὐδ’ ἀπίθησε διάκτορος ἀργειφόντης·1

24.340 αὐτίκ’ ἔπειθ’ ὑπο ποσσὶν ἐδήσατο καλὰ πέδιλα .

24.341 ἀμβρόσια· χρύσεια . τά μιν φέρον . ἠμὲν ἐφ ὑγρὴν .1, 2

24.342 ἠδ’ ἐπ ἀπείρονα γαῖαν . ἅμα πνοιῇς ἀνέμοιο·

24.343 εἵλετο δὲ ῥάβδον . τῇ τ’ ἀνδρῶν ὄμματα θέλγει1

24.344 ὧν ἐθέλῃ , τοὺς δ’ αῦτε καὶ ὑπνώοντας ἐγείρει·1

24.345 τὴν μετὰ χερσὶν ἔχων πέτετο κρατὺς ἀργειφόντης·

24.346 αῖψα δ’ ἄρα Τροίην τε καὶ Ἑλλήσποντον ΐκανε·1

24.347 βῆ δ ϊέναι κούρῳ αισυητῆρι ἐοικὼς1, 2

24.348 πρῶτον ὑπηνήτῃ· τοῦ περ χαριεστάτη ἥβη·1, 2

24.349 οἱ δ’ ἐπεὶ οὖν μέγα σῆμα παρὲξ . Ί̈λοιο ἔλασσαν .

24.350 στῆσαν άρ’ ἡμιόνους τε καὶ ἵππους . ὄφρα πίοιεν

24.351 ἐν ποταμῷ· δὴ γὰρ καὶ ἐπὶ κνέφας ἤλυθε γαῖαν·

24.352 τὸν δ’ ἐξ ἀγχιμόλοιο ἰ̈δὼν ἐφράσατο κῆρυξ

24.353 Ἑρμείαν · ποτὶ δὲ Πρίαμον φάτο . φώνησέν τε·

24.354 φράζεο Δαρδανίδη · φραδέος νόου ἔργα τέτυκται·

Scholia text

msA, 24.51, commenting on 24.331-24.332 ‡ παῖδες καὶ γαμβροὶ· προς τὴν συναλιφὴν ὅτι ἐν δύο στίχοις , τὸ γὰρ πλῆρες ἐστι Ζῆνα ἐς πεδίον φανέντε ⁑

msA, 24.52, commenting on 24.332 ν’ ἐς πεδίον προφανεντ · οὕτως τὴν συναλιφὴν διεῖλεν Ἀρίσταρχος ἐν ἀρχῇ τοῦ στίχου τὸ ν θείς ⁑

msA, 24.53, commenting on 24.339 ‡ τῶ ἄλλων Δαναῶν · ὅτι οὕτως εἴρηκεν Πηλείωνα δέ εἰς Πηλείωνα ἀντι τοῦ προς Πηλείωνα ⁑

msA, 24.54, commenting on 24.341 ἀμβρόσια χρύσεια : ὅτι ἐνταυθ ὀρθῶς κεῖνται καὶ ἐπὶ τοῦ πρὸς Καλυψῶ διαπεραιουμένου Ἑρμοῦ · ἐν δὲ τῇ ῥαψωδίᾳ τῆς οὐκέτι ⁑

msA, 24.55, commenting on 24.343 εἴλετο δὲ ῥάβδον : τὴν ῥάβδον συσταλτέον κατα τὴν πρώτην συλλαβὴν οὐχ ὅτι παρα τὸ ῥάπτω ἐγένετο ἔνθεν καὶ τὸ ῥαπίζω , ἀλλ ὅτι καὶ τὸ α προ τοῦ β συστέλλεσθαι θέλει ἅμβρος . Ἁβδηρος ἐπιγρᾰβδην · οὕτως οὖν ἐχέτω καὶ ἡ ῥάβδος δι’ ὁ τὸ ἀβάλε καὶ κατα τοῦτο ἐσημειοῦτο ⁑

msA, 24.56, commenting on 24.348 πρῶτον ὑπηνητῃ : μεθόριον ἡλικίας ἀνδρὸς καὶ παιδὸς ἁβρότερον μὲν ἡ κατ ἄνδρα γενναιότερον δὲ ἡ κατ παιδ ⁑

msA, 24.57, commenting on 24.348 περι τοὺς τοιούτους ἦν καὶ ὁ Σωκρατικὸς ἔρως . καὶ μύσταξ μὲν αἱ επι τοῦ ἄνω χείλους τρίχες· τὸ δε κάτω πάππος τὸ δὲ ἐξ αμφοῖν ὑπήνη ὡς τὸ καὶ μολύνων τὴν ὑπήνην οἱ δὲ κοινῶς εἶπον τὸ γένειον πρώτον ὑπηνήτῃ ἀρχομένῳ γενειαζειν ⁑

msAil, 24.15, commenting on 24.335@ἑταιρίσσαι φίλον γενέσθαι καὶ ἑταῖρον

msAil, 24.16, commenting on 24.341@φέρον ουτ δια τοῦ ο φερον

msAim, 24.19, commenting on 24.331 ἐν τῃ Χίᾳ καταβάντε ⁑

msAim, 24.20, commenting on 24.344 ουτ Ἀρίσταρχ δια τοῦ ε . αἱ δε κοιναὶ δια τοῦ η ἐθέλη ⁑

msAim, 24.21, commenting on 24.346 ἐν αλλῳ αῖψα δ’ ὰρ ἐς Τροίην ⁑

msAint, 24.3, commenting on 24.337 οτ ἴδῃ καὶ νοήσῃ παραλλήλως ταυτόν εστ ⁑

msAint, 24.4, commenting on 24.347 Ἀρισταρχ ἐσυμνητῆρι τουτεστ βασιλικῷ ⁑