Manuscript msA, page 321v

Manuscript msA, page 321v

prev: 321r

next: 322r

Iliad text

24.530 ἄλλοτε μέν τε κακῷ ὅ γε κύρεται· ἄλλοτε δ’ ἐσθλῷ·

24.531 ᾧ δέ κε τῶν λυγρῶν δῴη , λωβητὸν ἔθηκε

24.532 καί ἑ , κακὴ βούβρωστις ἐπι χθόνα δῖαν ἐλαύνει .1

24.533 φοιτᾷ δ’ . οὔτε θεοῖσι τετιμένος . οὔτε βροτοῖσιν·

24.534 ὡς μὲν καὶ Πηλῆϊ θεοὶ δόσαν ἀγλαὰ δῶρα

24.535 ἐκ γενετῆς· πάντας γὰρ ἐπ’ ἀνθρώπους ἐκέκαστο

24.536 ὄλβῳ τε πλούτῳ τε , ἄνασσε δὲ Μυρμιδόνεσσι·1

24.537 καί οἱ , θνητῶ , ἐόντι θεὰν ποίησαν ἄκοιτιν·

24.538 ἂλλ’ ἐπι καὶ τῶ θῆκε θεὸς κακόν , ὅττί οἱ οὔ τι

24.539 παίδων ἐν μεγάροισι γονὴ γένετο κρειόντων .

24.540 ἂλλ’ ἕνα παῖδα τέκεν παναώριον· οὐδέ νυ τόν γε1

24.541 γηράσκοντα κομίζω· ἐπεὶ μάλα τηλόθι πάτρης

24.542 ἧμαι ἐνι Τροίῃ , σέ τε κήδων . ἠδὲ σὰ τέκνα·

24.543 καὶ σὲ γέρον τὸ πρὶν μὲν ἀκούομεν ὄλβιον εἶναι .

24.544 ὅσσον Λέσβος ἄνω Μάκαρος ἕδος ἐντὸς ἐέργει·1, 2

24.545 καὶ Φρυγίη καθύπερθε καὶ Ἑλλήσποντος ἀπείρων·1

24.546 τῶ σε γέρον πλούτῳ τὲ καὶ υἱάσι φασὶ κεκάσθαι·1

24.547 αὐτὰρ ἐπεί τοι πῆμα τόδ’ ἤγαγον Οὐρανίωνες .

24.548 αἰεί τοι περὶ ἄστυ μάχαι τ’ ἀνδροκτασίαι τε .

24.549 ἄνσχεο· μὴ δ’ ἀλίαστον ὀδύρεο σὸν κατα θυμόν·

24.550 οὐ γάρ τι πρήξεις ἀκαχήμενος υἷος εῆος ,1

24.551 οὐδέ μιν ἀνστήσεις . πρὶν καὶ κακὸν ἄλλο πάθῃσθα·1, 2

24.552 τὸν δ’ ἠμείβετ’ ἔπειτα γέρων Πρίαμος θεοειδής·

24.553 μή πω μ’ ἐς θρόνον ΐζε διοτρεφές . ὄφρά κεν Ἕκτωρ

24.554 κεῖται ἐνι κλισίῃσιν ἀκηδής· ἀλλὰ τάχιστα

Scholia text

msA, 24.72, commenting on 24.536 ‡ ὄλβῳ τε πλούτῳ τε : ὄλβω δύναται τῇ φρονήσει εἴγε καὶ ἄνολβος ὁ ἀπαίδευτος οἱ δὲ τὴν τῶν αγρῶν κτῆσιν παρα τὰς ολὰς ⁑

msA, 24.73, commenting on 24.540 τέκεν παναώριον : οἱ μὲν ἐδάσυναν ἵνα ἐκδέξωνται τὸν κατα παντα ἄωρον · οἱ δὲ ἐψίλωσαν ἐκδεχόμενοι τὸν εἰς πάντα πεφροντίσμενον · ἄμεινον δὲ τὸ πρότερον τοῦτο γὰρ θέλει σημαίνειν ⁑

msA, 24.74, commenting on 24.532 βούβρωστις . κυρίως μὲν ὁ μέγας καὶ χαλεπὸς λιμός· νῦν δὲ ἀντι τῆς μεγάλης ἀνίας καὶ λύπης κεῖται ἡ λέξις . ἔνιοι δὲ βούβρωστιν τὸν οἰκτρὸν ἐξεδέξαντο ⁑

msA, 24.75, commenting on 24.544 ὄσσον Λέσβος ἄνω Μάκαρος ἕδος· ἀντι τοῦ οἰκητηριον ἔκτισε γὰρ τὴν Λέσβον Μάκαρ ὁ Κρινακου καὶ ἐβασίλευσεν αὐτῆς ⁑

msA, 24.76, commenting on 24.544 ὅσσον Λέσβος ἄνω : ὅτι τὸ ἄνω ἀντι τοῦ ανα · καὶ προς τὸ έργει ἵν ᾖ ἀνείργει καὶ περιορίζει · περιώρισε δὲ τὴν Πριάμου ἀρχὴν ἐκ μὲν μεσημβρίας Λέσβῳ ἐκ δὲ ἀνατολῶν Φρυγίᾳ ἐκ δε άρκτων· Ἑλλησπόντῳ ⁑

msA, 24.77, commenting on 24.545 καὶ Φρυγίη καθύπερθε· ὅτι ἑτέρα καθ Ὅμηρον ἡ Φρυγίᾳ · οἱ δὲ νεώτεροι συγχέουσι ⁑

msA, 24.78, commenting on 24.551 οὐδέ μιν ἀνστήσεις ὅτι οὐ λέγει οὐκ αναστήσεις αὐτόν ἀν μὴ πρότερον κακὸν πάθῃς , ἀλλα πρότερον κακὸν πεισῃ ἠ ἀναστήσεις αὐτόν . τοιοῦτο δὲ ἐστι καὶ τὸ τὴν δ’ ἐγὼ οὐ λύσω , πρίν μιν καὶ γήρας ἔπεισιν ⁑

msA, 24.79, commenting on 24.551 πρὶν κακὸν ἄλλο πάθῃσθα· πρὶν ἠ ἄλλο γένηταί σοι κακόν οἶον πολλὰ μὲν κακὰ πάθοις ἀναστήσεις δὲ αὐτὸν οὐδαμῶς τοῦτο γὰρ ἀδύνατον ⁑

msAim, 24.29, commenting on 24.546 Αριστ συν τῷ ν τῶν σε ⁑

msAim, 24.30, commenting on 24.550 οτ Ζηνοδ γράφει ἑοῖο · καὶ οτ λειπ ἡ περῖ ⁑