Manuscript msA, page 37r

Manuscript msA, page 37r

prev: 36v

next: 37v

Iliad text

2.643 τῷ δ’ ἐπὶ πάντ’ ἐτέταλτ˙ο ἀνασσέμεν Αἰτωλοῖσι̃ ·1

2.644 τῷ δ’ ἅμα τεσσαράκοντα μέλαιναι νῆες ἕποντο :

2.645 Κρητῶν δ’ Ἰ̈δομενεὺς δουρὶ κλυτὸς ἡγεμόνευεν :

2.646 οἳ Κνωσόν τ’ εἶχον . Γόργυνά τε τειχιόεσσαν :1

2.647 Λύκτον Μί̄λητόν τε καὶ ἀργινόεντα Λύκαστον :

2.648 Φαιστόν τε Ῥύτιόν τε πόλις εὖ ναιεταώσας :1, 2

2.649 ἄλλοι θ’ οἳ Κρήτην ἑκατόμπολιν ἀμφενέμοντο :1

2.650 τῶν μὲν ὰρ Ἰδομενεὺς δουρὶ κλυτὸς ἡγεμόνευεν

2.651 Μηριόνης τ’ ἀτάλαντος Ἐνυαλίῳ ἀνδρειφόντῃ·

2.652 τοῖσι δ’ ἅμ’ ὀγδώκοντα μέλαιναι νῆες ἕποντο :

2.653 Τληπόλεμος δ’ Ἡρακλείδης ἠύς τε μέγας τε

2.654 ἐκ Ῥόδου ἐννέα νῆας ἄγεν Ῥοδίων ἀγερώχων :

2.655 οἳ Ῥόδον ἀμφενέμοντο διὰ τρίχα κοσμηθέντες :1, 2

2.656 Λίνδον : Ϊήλυσόν τε καὶ ἀργινόεντα Κάμειρον :

2.657 τῶν μὲν Τληπόλεμος δουρὶ κλυτὸς ἡγεμόνευεν

2.658 ὃν τέκεν Ἀστυόχεια βίῃ Ἡρακληείῃ1

2.659 τὴν ἄγετ’ ἐξ Ἐφύρης . ποταμοῦ ἀπο Σελλήεντος 1

2.660 πέρσας ἄστεα πολλὰ διοτρεφέων αἰζηῶν :

2.661 Τληπόλεμος δ’ ἐπεὶ οὖν τράφ’ ἐνι μεγάρῳ εὐπήκτῳ

2.662 αὐτίκα πατρὸς ἑοῖο φίλον μήτρωα κατέκτα1, 2

2.663 ἤδη γηράσκοντα Λικύμνιον ὄζον Ἄρηος ·1

2.664 αἶψα δὲ νῆας ἔπηξε πολὺν δ’ ὅ γε λαὸν ἀγείρας

2.665 βῆ φεύγων ἐπὶ πόντον· ἀπείλησαν γάρ οἱ ἄλλοι1, 2

2.666 υἱέες υἱωνοί τε βίης Ἡρακληείης :

2.667 αὐτὰρ ὅ γ’ ἑς Ῥόδον Ί̈ξεν ἁλώμενος ἄλγεα πάσχων·1

Scholia text

msA, 2.673, commenting on 2.648 Φαιστόν · ὡς πιστὸν ὀξυτόνως : βαρυνόμενον γὰρ ἐπι τοῦ ἥρωος τίθεται Ἱ¨δομενεὺς δ’ ἄρα Φαῖστον ⁑

msA, 2.674, commenting on 2.648 Ῥύτιον · προπαροξυτόνως ὡς στάδιον οὐκ εῦ δὲ Τυραννίων παροξύνει αὐτὸ ὡς πεδίον : οὔτε γὰρ ὑποκοριστικὸν οὔτε εἰ ῆν ὑποκοριστικόν παρωξύνετο καθότι τρίβραχυ τοῦτο δὲ εἴπομεν καὶ ἐπι τοῦ Θρόνιον ⁑

msA, 2.677, commenting on 2.658 ὃν τέκεν Ἀστυόχεια · ὅτι Ζηνόδοτος γράφει Ἡρακλείῃ καὶ ἄμετρον ποιῶν καὶ οὐχ Ὁμηρικὸν τὸ σχῆμα ἀπο γὰρ τοῦ Ηρακλῆος Ἡρακληείη ἐκπίπτει ⁑

msA, 2.678, commenting on 2.659 τὴν ἄγετ’ ἐξ Εφύρης · ὅτι ἡ Εφύρα αὕτη ἑτέρα ἐστι τῆς Κορίνθου τῆς Θεσπροτίας οῦσα . καὶ ὅτι συν τῷ σ Σελλήεντα τὸν ποταμὸν λέγ ἀφ’ οῦ τὸ παροικοῦν ἔθνος Σελλοὺς καλεῖ οἱ δὲ νεώτεροι Ἑλλοὺς λέγουσι πλανηθεντες ⁑

msA, 2.679, commenting on 2.662 αὐτίκα πατρὸς εοῖο· ἱστόρηται ὅτι Τληπόλεμος θεασάμενος Λικύμνιον τὸν μήτρῳα ἤδη γεραιὸν ὑπάρχοντα ὑπό τινος τῶν οἰκείων ἀμελῶς χειραγωγούμενον , ἀφῆκε τὴν βακτηρίαν ἐπι τὸν οἰκέτην : καὶ τούτου μέν ἥμαρτεν πλήξας δὲ τὸν Λικύμνιον ἀκουσίως ἀπέκτεινεν δι’ὃ ἠναγκάσθη γενεσθαι φυγὰς τῆς πατρίδος ⁑

msA, 2.680, commenting on 2.662 φιλον μήτρωα κατεκτα· Πτολεμαῖος φησὶν ὁ Ἀσκαλωνίτης Ἀρίσταρχον ἀνεγνωκέναι ὁμοίως τῷ ἔκτα συν οὐλομένῃ ἀλόχῳ κατα συστολήν : Τυραννίων δὲ κατ έκτασιν οἶμαι δὲ ἀκόλουθον εἶναι εκείνῃ τῇ γραφῇ τῇ κομιζομένη ὑπ’ Ἀριστάρχου . ὣς ἑμὲν ὅτε δῖον Ἐρευθαλίωνα κατέκτα ἡ μέντοι κοινὴ ἀνάγνωσις ἡ κατα συστολὴν ἀφορμῆς ἔσχε τὴν τῆς ἀποκοπῆς ὁμοίως τῶ οῦτα κατα λαπάρην ⁑

msA, 2.681, commenting on 2.665 βῆ φεύγων ἐπὶ πόντον· τὸ μὲν Ὁμηρικὸν ἔθος βῆ φεύγειν προφέρεται ἀλλ’ ὅ γε Ἀρίσταρχος οὐ μετέθηκεν ἀλλ οὕτως γράφει μῆ φεύγων ⁑

msA, 2.682, commenting on 2.665 ἀπείλησαν γὰρ οἱ ἄλλοι : ὁ γάρ ὀξύνεται ἵνα ἀντωνυμία γένηται ἐγκλιτικὴ δοτικῆς πτώσεως καὶ μη ἄρθρον καὶ γὰρ ἔθος μᾶλλον τῷ ποιητῇ παραλειπεῖν τὰ ἄρθ ⁑

msA, 2.683, commenting on 2.667 αὐτὰρ ὅ γ’ ἐς Ρόδον · ὅτι Ζηνόδοτος γράφει αῖψα δ’ ὅ γ’ ἐς Ῥόδον : οὐ δύναται δὲ ταχέως ἐληλυθέναι ἐπι τὴν Ῥόδον ὁ πρότερον μὲν ναῦς πεπηχὼς εἶτα ἁλώμενος καὶ οὐκ εὐθὺ πλοϊκῶς ⁑

msAext, 2.685, commenting on 2.646 Γόρτυνά τε

msAext, 2.687, commenting on 2.663 ὄζος

msAint, 2.684, commenting on 2.643 ἐπι τοῦ Θόαντος ἵν ῆ τούτω·