Manuscript msA, page 38r

Manuscript msA, page 38r

prev: 37v

next: 38v

Iliad text

2.693 υἱέας Εὐηνοῖο , Σεληπιάδαο ἄνακτος :

2.694 τῆς ὅ γε κεῖτ’ ἀχέων . τάχα δ’ ἀνστήσεσθαι ἔμελλεν :1

2.695 οἱ δ’ εἶχον Φυλάκην καὶ Πύρασον ἀνθεμόεντα1

2.696 Δήμητρος τέμενος : Ί̈τωνά τε μητέρα μήλων1, 2

2.697 ἀγχίαλόν τ’ Ἀντρῶνα ἰ̈δὲ Πτελεὸν λεχεποίην .1

2.698 τῶν , αὖ , Πρωτεσίλαος ἀρήϊος ἡγεμόνευε

2.699 ζωὸς ἐὼν , τότε δ’ ἤδη ἔχεν κάτα γαῖα μέλαινα :1

2.700 τοῦ δὲ καὶ ἀμφιδρυφὴς ἄλοχος Φυλάκῃ ἐλέλειπτο

2.701 καὶ δόμος ἡμιτελὴς . τὸν δ’ ἔκτανε Δάρδανος ἀνὴρ1, 2

2.702 νηὸς ἀποθρῴσκοντα πολυπρώτιστον Ἀχαιῶν :

2.703 οὐδε μὲν οὐδ’ οἳ ἄναρχοι ἔσαν : πόθεόν γε μὲν ἀρχὸν :

2.704 ἀλλά σφεας κόσμησε Ποδάρκης ὄζος Ἄρηος

2.705 Ἰφίκλου υἱὸς πολυμήλου Φυλακίδᾱο :

2.706 αὐτοκασίγνητος μεγαθύμου Πρωτεσιλάου

2.707 ὁπλότερος γενεῇ : ὁ δ’ ἄρα πρότερος καὶ ἀρείων1

2.708 ἥρως Πρωτεσίλαος ἀρήϊος , οὐδ’ έτι λαοὶ

2.709 δεύονθ’ ἡγεμόνος , πόθεόν γε μὲν ἐσθλὸν ἐόντα .

2.710 τῷ δ’ ἅμα τεσσεράκοντα μέλαιναι νῆες ἕποντο :

2.711 οἱ δὲ Φερὰς ἐνέμοντο παραὶ Βοιβηΐδα λίμνην .

2.712 Βοίβην καὶ Γλαφυρὰς , καὶ ἐϋκτιμένην Ἰ̈αωλκὸν

2.713 τῶν ἦρχ’ Ἀδμήτοιο φίλος παῖς ἕνδεκα νηῶν

2.714 Εὔμηλος , τὸν ὑπ’ Ἀδμήτῳ τέκε δῖα γυναικῶν

2.715 Ἄλκηστις Πελίαο θυγατρῶν εἶδος ἀρίστη :

2.716 οἱ δ’ ἄρα Μηθώμην καὶ Θαυμακίην ἐνέμοντο1

2.717 καὶ Μελίβοιαν ἔχον : καὶ Ὀλιζῶνα τρηχεῖαν .1

Scholia text

msA, 2.704, commenting on 2.694 ‡τῆς ὅ γε κεῖτ’ ἀχέων· ὅτι Ζηνόδοτος γράφει ἀνατάσασθαι ἔμελλεν δια τοῦ καταπροηγουμένως λόγον αἰολίζοντος ἀλλ ουχὶ σπανίως δι’ ευφωνίαν οὐδ’ οἱ Αιολεῖς δὲ οὕτως λέγουσιν ⁑

msA, 2.706, commenting on 2.696 Δήμητρος τέμενος· τοῦτο καὶ τῶν ἐπάνω καὶ τῶν ἑξῆς χωριστέον ἡ Δημήτριον γὰρ πόλις καθ εαυτήν ἐστιν ἀσυνδετώς δὲ ἐξενήνεκται ὡς καὶ ἐπάνω Ἑρμιόνην Ἄσην τε Τροίζην Ἠϊονας τε ἡ γὰρ Ερμιόνη καὶ ἡ Τροίζην ἀσύνδετα πρὸς τὰ ἐπάνω συνάπτουσιν , ἵν’ ὁ Πύρασος λέγται Δήμητρος τέμενος δι ευκαρπίαν κακῶς ⁑

msA, 2.707, commenting on 2.697 ἀχίαλόν τ’ Ἀντρῶνα ὅτι Ζηνόδοτος γράφει ἀχιάλην τ’ Ἀντρῶνα καὶ ἡ θηλυκῶς δὲ λέγεται ἡ Ἀντρών κοινόν ἐστι τὸ ὄνομα ὁ ἀγχίαλος καὶ ἡ ἀγχίαλος : διάφοροι δὲ καὶ ἄριστοι ὅνοι ἐν Ἀντρῶνι τῆς Θεσσαλίας γίνονται ὅθεν καὶ εἰς παρομίαν παρῆλθεν τὸ Ἀντρώνιος ὄνος ⁑

msA, 2.709, commenting on 2.701 καὶ δόμος ἡμιτελὴς , τὸν δ’ έκτανε Δάρδανος ἀνήρ ⁑ ἤτοι ἄτεκνος ἢ ἀφηρήμενος τοῦ ἑτέρου τῶν δεσποτῶν ἠ ατελείωτος ἔθος γὰρ ἢν τοῖς γήμασι θάλαμον οἰκοδομεῖσθαι . διὃ οἱ πολλοὶ φασὶν ὅτι οἰκοδομῶν θάλαμον ἑαυτῷ ὁ Πρωτεσίλαος ἀπέπλευσεν ἐπι τὸν πόλεμον : βέλτιον δὲ εἰρῆσθαι ἡμιτελῆ διὰ τὸ μὴ γεγενηκότα παῖδας πλεῦσαι : οἱ δὲ ὅτι νεωστὶ γήμας οὐδέπω τελείως τὰ κατὰ τῶν γεγαμηκότος οἷκον διεπράξατο ἀλλα πρότερον ἐστράτευσεν ⁑

msA, 2.710, commenting on 2.701 Δάρδανος ἀνὴρ : οἱ μὲν τὸν Αἰνείαν ἀπέδοσαν ὅτι βασιλεὺς ἦν Δαρδανίων , οἱ δὲ τὸν Εὕφορβον ἕτεροι Ἕκτορα : τινὲς δὲ Ἀχάτην ἑταιροι τὸν Αἰνείου φονέα Πρωτεσιλάον δύναται δὲ καὶ ἀνωνύμως ἕνα τινὰ τῶν Δαρδανίων λέγειν ⁑

msA, 2.711, commenting on 2.717 Ὀλιζῶνα · προπερισπωμένως ὡς Μεδεῶνα Νικίας δὲ οὐκ εῦ ὡς περίζωμα ⁑

msAext, 2.714, commenting on 2.716 μηθάνην

msAint, 2.712, commenting on 2.695 βαρυτονητεον τὸ Φυλὰκην πρὸς ἀντιδιαστο τοῦ ὀξυνομένου ⁑