Manuscript msA, page 38v

Manuscript msA, page 38v

prev: 38r

next: 39r

Iliad text

2.718 τῶν δὲ Φιλοκτήτης ἦρχεν τόξων εὖ εἰδὼς1

2.719 ἑπτὰ νεῶν : ἐρέται δ’ ἐν ἑκάστῃ πεντήκοντα

2.720 ἐμβέβασαν . τόξων εῦ εἰδότες ῗφι μάχεσθαι :

2.721 ἀλλ’ ὁ μὲν ἐν νήσῳ κεῖτο κρατὲρ’ ἄλγεα πάσχων1

2.722 Λήμνῳ ἐν ἠγαθέῃ : ὅθι μιν λίπον υἷες Ἀχαιῶν 1, 2

2.723 ἕλκεϊ μοχθίζοντα κακῷ ὀλοόφρονος ὕδρου :1

2.724 ἔνθ’ ὅ γε κεῖτ’ ἀχέων : τάχα δὲ , μνήσεσθαι ἔμελλον1, 2

2.725 Ἀργεῖοι παρὰ νηυσὶ Φιλοκτήταο ἄνακτος :

2.726 οὐδὲ μὲν οὐδ’ οἱ ἄναρχοι ἔσαν . πόθεόν γε μὲν ἀρχὸν :

2.727 ἀλλὰ Μέδων κόσμησεν Ὀϊλῆος νόθος υἱός :1

2.728 τόν ῥ’ ἔτεκεν Ῥήνη ὑπ’ Ὀϊλῆϊ πτολιπόρθῳ :

2.729 οἱ δ’ εἶχον Τρίκκην καὶ Ἰ̈θώμην κλϊμακόεσσαν :

2.730 οἵ τ’ ἔχον Οἰχαλίην πόλιν Εὐρύτου Οἰχαλιῆος :1

2.731 τῶν , αὖθ’ , ἡγείσθην Ἀσκληπιοῦ δύο παῖδε1

2.732 ἰ̈ητῆρ’ ἀγαθὼ : Ποδαλείριος ἠδὲ Μαχάων :

2.733 τοῖς δὲ τριήκοντα γλαφυραὶ νέες ἐστιχόωντο :1

2.735 οἵτ’ : ἔχον Ἀστέριον . Τιτανοιό τε λευκὰ κάρηνα .1, 2

2.734 οἵδ’ ἔχον Ορμένιον : οἵ τε κρήνην Ὑπέρειαν

2.736 τῶν ἦρχ’ Εὐρύπυλος Εὐαίμονος ἀγλαὸς υἱὸς

2.737 τῶ δ’ ἅμα τεσσεράκοντα μέλαιναι νῆες ἕποντο :

2.738 οἱ δ’ Ἄργεισαν ἔχον : καὶ Γυρτώνην ἐνέμοντο

2.739 Ὄρθην Ηλώνην τε πόλιν τ’ Ολοοσσόνα λευκήν .1, 2, 3

2.740 τῶν , αὖθ’ . ἡγεμόνευε μενεπτόλεμος Πολυποίτης 1

2.741 υἱὸς Πειριθόοιο : τὸν ἀθάνατος τέκετο Ζεύς :1, 2

2.742 τόν ῥ’ ὑπο Πειριθόῳ τέκετο κλυτὸς Ἱ̈πποδάμεια 1

Scholia text

msA, 2.715, commenting on 2.718 ‡τὸν δε Φιλοκτήτης ἦρχεν· ὅτι Ζηνοδοτος γράφει τῶν αὖ ἡγεμόνευε Φιλοκτήτης ἀγὸς ἀνδρῶν ὁ δὲ ποιητὴς προδιασυνίστησιν ἐν τῷ , τὴν περι εκάστου ἀρετήν ⁑

msA, 2.716, commenting on 2.722 Λήμνῳ ἐν ηγαθέῃ· ὅτι ἐν Λήμνῳ ἔμενε καταλελειμμένος ὁ Φιλοκτήτης οἱ δὲ νεώτεροι ἐν τῇ σιδίῳ ἐρήμω

msA, 2.717, commenting on 2.722 ἱστόρηται ὅτι Φιλοκτήτης ἐν Λήμνῳ καθαίρων τὸν βωμὸν τῆς Χρυσῆς καλουμένης Ἀθηνᾶς ἐδείχθη ὑπο ὕδρου . καὶ ἀνιαρῶ τραύματι περιπεσῶν κατελείφθη αὐτόθι ὑπο τῶν Ἑλλήνων ἤδεισαν γὰρ τοὺς Ἡφαίστου ἱερεῖς θεραπεύειν τοὺς ὀφιοδήκτους ⁑

msA, 2.718, commenting on 2.724 ἔνθ’ ὅ γε κεῖτ’ ἀχεων· ὅτι Ζηνόδοτος τοῦτον καὶ τὸν ἑξῆς ἠθέτηκεν ἀναγκαῖον δέ ἐστι γνῶναι ὅτι ὕστερον ἀνεκομίσθη ἐκ Λήμνου ὁ Φιλοκτήτης ⁑

msA, 2.719, commenting on 2.724 τάχα δὲ μνήσεσθαι ἔμελλον· ταχέως δὲ οἱ Ἕλλη ἔμελλον μνημονεύειν καὶ χρῄζειν τοῦ Φιλοκτήτου , ἐπειδὴ εἵματο χωρὶς τῶν Ἡρακλέους καθὃ μηδενὸς θελήσαντος ἄλλου ὑφάψαι ἐν τῇ Οίτῃ τὴν Ἡρακλέους πυρὰν ἐν τῇ τελευτῇ αὐτοῦ τοῦτο ἐποίησεν ὁ Φιλοκτήτης ⁑

msAext, 2.734, commenting on 2.723 μαχθιζοντα

msAil, 2.732, commenting on 2.739 ως Μεθώνην

msAil, 2.733, commenting on 2.742 ὅτι αντι τοῦ κλυτὴ κλυτος εἶπεν ⁑

msAim, 2.730, commenting on 2.739 οὕτως ὀξυτόνως ἐπιθετικῶς γὰρ τέτακται Ὀλόσσόνα δὲ οὕτως παροξυτόνως φησὶν ἐν τῇ καθόλου ⁑

msAim, 2.731, commenting on 2.741 οὕτως ἁσσπάρτην ἵν ῇ ἰδιον ⁑