Manuscript msA, page 53v

Manuscript msA, page 53v

prev: 53r

next: 54r

Iliad text

4.109 τοῦ κέρᾱ ἐκ κεφαλῆς ἑκκαιδεκάδωρα πεφύκει·1, 2, 3, 4, 5

4.110 καὶ τὰ μὲν ἀσκήσας κεραοξόος ἤραρε τέκτων·1

4.111 πᾶν δ’ εὖ λειήνᾱς . χρυσέην ἐπέθηκε κορώνην·1

4.112 καὶ τὸ μὲν εὖ κατέθηκε τανυσσάμενος , ποτι γαίῃ1

4.113 ἀγκλίνᾱς· πρόσθεν δὲ σάκεα σχέθον ἐσθλοὶ ἑταῖροι .1

4.114 μὴ πρὶν ἀναΐξειαν ἀρήϊοι υἷες Ἀχαιῶν .1

4.115 πρὶν βλῆσθαι Μενέλαον ἀρήϊον Ἀτρέος υἱόν·1

4.116 αὐτὰρ ὃ σύλᾱ πῶμα φαρέτρης· ἐκ δ’ ἕλετ’ ἰ̈ὸν1

4.117 ἀβλῆτα πτερόεντα· μελαινέων έρμ’ ὀδυνά̄ων·1, 2, 3

4.118 αῖψα δ’ ἐπὶ νευρῇ κατεκόσμει πικρὸν ὀϊστόν·1

4.119 εὔχετο δ’ Ἀπόλλωνι Λυκηγενέϊ κλυτοτόξῳ .1

4.120 ἀρνῶν πρωτογόνων ῥέξειν κλειτὴν ἑκατόμβην1

4.121 οἴκαδε νοστήσας . ἱερῆς εἰς ἄστυ Ζελείης ·1

4.122 ἕλκε δ’ ὁμοῦ γλυφίδας τε λαβών καὶ νεῦρα βόεια·1

4.123 νευρὴν μὲν μαζῷ πέλασεν . τόξῳ δὲ σίδηρον·1, 2

4.124 αὐτὰρ ἐπειδὴ κυκλοτερὲς μέγα τόξον ἔτεινε .1

4.125 λίγξε βιὸς , νευρὴ δὲ μέγ’ ΐαχεν· ἆλτο δ’ ὀϊστὸς1

4.126 ὀξυβελὴς καθ’ ὅμιλον ἐπιπτέσθαι μενεαίνων·1, 2, 3

4.127 Οὐδὲ σέθεν Μενέλαε θεοὶ μάκαρες λελάθοντο1

4.128 ἀθάνατοι· πρώτη δὲ Διὸς θυγάτηρ ἀγελείη·1, 2

4.129 ἥ τοι πρόσθεν στᾶσα βέλος ἐχεπευκὲς ἄμυνεν·1, 2

4.130 ἡ δὲ τόσον μὲν ἔεργεν ἀπὸ χροὸς , ὡς ὅτε μήτηρ1

4.131 παιδὸς ἐἔργῃ μυῖαν , ὅθ’ ἡδέϊ λέξεται ὕπνῳ·1

4.132 αὐτὴ δ’ αῦτ’ ἴθυνεν ὅθι ζωστῆρος ὀχῆες1, 2

4.133 χρύσειοι σύνεχον· καὶ δίπλοος ἤντετο θώρηξ·1, 2

Scholia text

msA, 4.185, commenting on 4.109 ‡ τοῦ κέρα· ἀποκοπῆ τοῦ κέρατα Ἡρῳδιανος συναλιφην τοῦ κέραα τὸ δὲ χρέαα χρέα συγκοπή ⁑

msA, 4.801, commenting on 4.109 δῶρον καλεῖται ὁ παλαιστὴς ὅ ἔστιν ἔκτασις τῶν τῆς χειρος τεσσάρων δακτύλων . ῆ καὶ ἐκκαίδεκα ἐνι αυτῶν ῶρος γὰρ ὁ ενι αυτος ὅ περ ἄτοπον ⁑

msA, 4.192, commenting on 4.112-4.113 καὶ τὸ μὲν εὗ κατέθηκε τανυσσάμενος· ἐπι τὸ τανυσσάμενος βραχὺ διασταλτέον πρὸς γὰρ τῇ γῇ ἀνέκλινεν αὐτὸ πρότερον ἐντείνας τὴν νευράν ⁑

msA, 4.802, commenting on 4.112-4.113 ποτι γαίῃ ἀγκλίνας· πρὸς τῇ γῇ επερείσας ἑαυτόν δῆλον ὅτι τοῦ μὴ ὀραθῆναι ὑπο τῶν Ἑλλήνων ⁑

msA, 4.204, commenting on 4.123 νευρὴν μὲν μαζῶ ὅτι Ζηνόδοτος προ τουτ τὸν ἑξῆς τέταχεν οὕτως ποιήσας , ἕλκε δ’ ὁμοῦ γλυφίδας καὶ νεῦρα βόεια . εἶτα αὐτὰρ ἐπειδὴ κυκλοτερὲς μεγα τόξον ἔτεινε νευρην μὲν μαζῷ πέλασσεν τόξω δὲ σίδηρον εῖτα λίγξε βιὸς . οὐ νοήσας ὅτι δια τῶν παρεπομένων τοῦ ἕλκε δ’ ὀμοῦ καὶ νευρὴν μὲν μαζῷ πέλασσε συνίστησι τὴν ἔνστασιν γεγενημένην εἶθ’ ἑξῆς λέγει ἐπειδὴ ἐνετάθη καὶ κυκλοτερὲς ἐγένεντο ἀπέστειλε τὸ βελος ⁑

msA, 4.212, commenting on 4.126 ἐπιπτέσθαι· παροξυτονητέον ἔστι γὰρ μέσος δεύτερος ἀόριστος ὁμοίως τῷ τότ’ ἂν οὗτοι ἀποσχέσθαι καὶ τὸ ἁπλοῦν αὐτοῦ ἔστι πέσθαι· πᾶν δὲ ἀπαρέμφατον συντιθέμενον φυλάσσει τὸν αὐτὸν τόνον ⁑

msAil, 4.806, commenting on 4.126 εμπεσείν

msAim, 4.803, commenting on 4.117 ουτ δια τοῦ ε δια το μέτρον ⁑

msAim, 4.804, commenting on 4.129 ουτ μετα τοῦ τ ἤ τοι

msAint, 4.187, commenting on 4.109 Ϊακῶς το πεφυκ

msAint, 4.805, commenting on 4.132 δεσμοί