Manuscript msA, page 55v

Manuscript msA, page 55v

prev: 55r

next: 56r

Iliad text

4.209 βὰν δ’ ἰέναι καθ’ ὅμιλον· ἀνα στρατὸν εὐρὺν Ἀχαιῶν .1

4.210 ἀλλ’ ὅτε δή ῥ’ ί̈κανον ὅθι ξανθὸς Μενέλαος1

4.211 βλήμενος ἦν . περὶ δ’ αὐτὸν ἀγηγέραθ’ ὅσσοι ἄριστοι1

4.212 κυκλόσ’ , ὁ δ’ ἐν μέσσοισι παρίστατο ἰ̈σόθεος φώς ,1, 2, 3

4.213 αὐτίκα δ’ ἐκ ζωστῆρος ἀρηρότος εἷλκεν ὀϊστόν·1, 2

4.214 τοῦ δ’ ἐξελκομένοιο πάλιν· άγεν ὀξέες ὄγκοι·1, 2

4.215 λῦσε δέ οἱ ζωστῆρα παναίολον . ἠδ`’ ὑπένερθε1

4.216 ζῶμά τε καὶ μίτρην , τὴν χαλκῆες κάμον ἄνδρες·1, 2

4.217 αὐτὰρ ἐπεὶ ἴδεν ἕλκος ὅθ’ ἔμπεσε πικρὸς ὀϊστός .1

4.218 αἷμ’ ἐκμυζήσας ἐπ’ ἄρ’ ἤπια φάρμακα εἰδὼς1

4.219 πάσσε . τά οἵ ποτε πατρὶ φίλα φρονέων πόρε Χείρων ·1, 2

4.220 Ὄφρα τοὶ , ἀμφεπένοντο βοὴν ἀγαθὸν Μενέλαον .1

4.221 τόφρα δ’ ἐπὶ Τρώων στίχες ἤλυθον ἀσπιστάων·1

4.222 οἳ δ`’ αῦτις κατα τεύχε’ ἔδῠν . μνήσαντο δὲ χάρμης·1, 2, 3, 4

4.223 Ἔνθ’ οὐκ ὰν βρίζοντα ἴ̈δοις Ἀγαμέμνονα δῖον1, 2, 3

4.224 οὐδὲ καταπτώσσοντ’ . οὐδ’ οὐκ ἐθέλοντα μάχεσθαι .1, 2

4.225 ἀλλὰ μάλα σπεύδοντα μάχην ἐς κυδιάνειραν·1

4.226 ἵππους μὲν γὰρ ἔασε καὶ ἅρματα ποικίλα χαλκῷ·1, 2

4.227 καὶ τοὺς μὲν θεράπων ἀπάνευθ’ ἔχε φυσιόωντας1

4.228 Εὐρυμέδῶν . υἱὸς Πτολεμαίου Πειραΐδαο ·1, 2

4.229 τῷ μάλα πολλ`’ ἐπέτελλε παρισχέμεν , ὁππότε κέν μιν1

4.230 γυῖα λάβῃ κάματος , πολέας διακοιρανέοντα·1

4.231 αὐτὰρ ὃ πεζὸς ἐὼν ἐπεπωλεῖτο στίχας ἀνδρῶν·1

4.232 καί ῥ’ οὓς μὲν σπεύδοντας ἴ̈δοι Δαναῶν ταχυπώλων .1, 2

4.233 τοὺς μάλα θαρσύνεσκε παριστάμενος , ἐπέεσσιν·1

Scholia text

msA, 4.368, commenting on 4.211-4.212 ‡ βλήμενος ην· ὑποστικτέον εἰς τὸ ἦν καὶ κυκλόσε ὧν ἡ δευτέρα ἀνυπόώνυμίακριτός ἐστι δια μέσου δὲ ταύτα ⁑

msA, 4.818, commenting on 4.214 τοῦ δ’ ἐξελκὸμενοιο πάλιν ἅγεν· τὸ πάλιν εἰ μέντοι τοῖς ἡγουμένοις συντάττοιμεν ἔσται τὸ ἅγεν ἀντι τοῦ κατεάχθησαν ὡς νῦν δέ μοι ἐν χείρεσσιν ἄγη ξίφος · ἤτοι συνεσταλμένης τῆς ἀρχῆς ποιητικῶς ἡ τοῦ ε ἄφηρημένου ἀπὸ τοῦ ἔαγεν . ἐὰν δὲ τοῖς ἑξῆς προσδῶμεν αὐτῷ ἔσται εἰς τοῦ πίσω ἤχθησαν τοῦτ έστιν ὕπέστρεψαν ⁑

msA, 4.380, commenting on 4.216 ζῶμά τε· ὅτι πάλιν τοῦ ζώματος μνησθεὶς τὸν θώρακα παραλέλοιπεν ⁑

msA, 4.394, commenting on 4.223 ἔνθ’ οὐκ ἂν ὅτι ἡ διπλῆ ὅτι οὑ προς ὑφεστὼς πρόσωπον ἄλλ αντι τοῦ ιδέ τις ἂν

msA, 4.400, commenting on 4.228 Εὐρυμέλων · ὅτι καὶ Ἀγάμεμνονος και Νέστορος ὁμωνυμως ἦν ἡνίοχος Εὐρυμέλων τὸ δε Πειραΐδαο ἐν τεσσαρσι συλλαβαῖς προφέρεται τὴν ευθ τοῦ πατρωνυμικοῦ καὶ οἱ ἄλλοι Τυραννίων δὲ καὶαἱἄλλοι τρισυλλαβως λέγων ὡς ὅτι οὐδὲν πατρωνυμικὸν παρα τῷ ποιητῇ ἔχει προ τέλους διεσταλμένον τὸ ϊ ἀπο ἑτέρου φωνήεντος οἶον Πανθοίδης , Βοηθοίδης Πηλείδης , οὐδ’ ἄρα τοῦτο· ὑπερ δὲ τοῦ τετρασυλλαβως ἀναγινώσκειν ἔχομεν ἑκεῖνο λέγειν ὡς ὅτι ἐντελες ἐστι τὸ κατα διάλυσιν τοῦ ϊ καὶ ὅτι οὐκ έχομεν ἑκεῖνο λέγειν ὡς ὅτι ἐντελές ἐστι τὸ κατα διάλυσιν τοῦ ϊ , καὶ ὅτι οὐκ ἐχομεν τοιοῦτό τι πατρωνυμικὸν ὃ κατα σύλληψιν ἐξηνέχθη τοῦ α καὶ τοῦ ϊ προ τούτου παρα τὸ Πειραιὸς οὖν Πειραΐδης ἐγένετο ⁑

msA, 4.404, commenting on 4.232 καίρ’ οὒς μὲν σπεύδοντας· ὅτι τὸ εύδοντας οὐχ οἷον ταχύνοντας ἀλλ’ ἐνεργουντας καὶ κακοπαθουντας , σπουδῇ δ’ έζετο λαὸς μετὰ πασης κακοπ ⁑

msA, 4.385, commenting on 4.219 χείρων· εἷς τῶν Κενταύρων εὑρετὴς ϊατρικῆς καὶ λυρικῆς υἱὸς Κρόνου καὶ φιλύρας ἠ ὡς ἔνιοι Ποσειδωνος ·

msA, 4.389, commenting on 4.222 χάρμης· χάρμη ἡ μάχη ἤτοι κατ εναντιότητα ἠ ἡ χαρὰν ἐμποιοῦσα τοῖς νικῶσιν ⁑

msAim, 4.819, commenting on 4.213 Ἀρισταρχ Ϊακως ἕλκεν καὶ αἱ πλείους ⁑