Manuscript msA, page 58r

Manuscript msA, page 58r

prev: 57v

next: 58v

Iliad text

4.334 έστασαν , ὁππότε πύργος Ἀχαιῶν ἄλλος ἐπελθὼν ,1, 2, 3

4.335 Τρώων ὁρμήσειε , καὶ ἄρξειαν πολέμοιο·1

4.336 τοὺς δὲ ἰ̈δὼν νείκεσσεν ἄναξ ἀνδρῶν Ἀγαμέμνων ·1

4.337 καί σφεας φωνήσας ἔπεα πτερόεντα προσηῦδα ·1

4.338 ὦ υἱὲ Πετεῶο διοτρεφέος βασιλῆος·1, 2

4.339 καὶ σὺ κακοῖσι δόλοισι κεκασμένε κερδαλεόφρον1, 2, 3, 4

4.340 τίπτε καταπτώσσοντες ἀφέστατε μίμνετε δ’ ἄλλους·1

4.341 σφῶϊν μέν τ’ ἐπέοικε μετα πρώτοισιν ἐόντας1

4.342 ἑστάμεν . ἠδὲ μάχης καϋστειρῆς ἀντιβολῆσαι·1

4.343 πρώτω γὰρ καὶ δαιτὸς ἀκουάζεσθον ἐμεῖο .1, 2

4.344 ὁππότε δαῖτα γέρουσιν ἐφοπλίζοιμεν Ἀχαιοί ·1, 2

4.345 ἔνθα φίλ’ ὀπταλέα κρέα έδμεναι . ἠδὲ κύπελλα1, 2

4.346 οἴνου πινέμεναι μελιηδέος· ὄφρ’ ἐθέλητον·1, 2

4.347 νῦν δὲ φίλως χ’ ορόωτε καὶ εἰ δέκα πύργοι Ἀχαιῶν1

4.348 ὑμείων προπάροιθε μαχοίατο νηλέϊ χαλκῷ·1

4.349 Τὸνδ`’ ἂρ ὑπόδρα ἰ̈δὼν προσέφη πολύμητις Ὀδυσσεύς ·1

4.350 Ἀτρείδη . ποῖόν σε ἔπος φύγεν ἕρκος ὀδόντων·1, 2

4.351 πῶς δὴ φῂς πολέμοιο μεθειέμεν · ὁππότ’ Ἀχαιοὶ1

4.352 Τρωσὶν ἐφ’ ἱ̈πποδάμοισιν ἐγείρομεν ὀξὺν Ἄρηα ·1

4.353 ὄψεαι ἢν κ’ ἐθέλῃσθα , καὶ αἴ κέν τοι τὰ μεμήλῃ1

4.354 Τηλεμάχοιο φίλον πατέρα προμάχοισι μιγέντα1, 2

4.355 Τρώων ἱ̈πποδάμων· συ δὲ ταῦτ’ ἀνεμώλια βάζεις·1

4.356 Τὸν δ`’ ἐπὶ μειδήσας προσέφη κρείων Ἀγαμέμνων1

4.357 ὡς γνῶ χωομένοιο· πάλιν δ`’ ὅ γε λάζετο μῦθον·1, 2

4.358 διογενὲς· Λαερτιάδη · πολυμήχαν’ Ὀδυσσεῦ ·1

Scholia text

msA, 4.536, commenting on 4.334 ‡ ἔστασαν ὁπποτε πύργος· πύργος τάξις , συνεστηκεν δὲ πυργος ἐκ τ εξήκοντ ανδρῶν ὁ δὲ τρόπος μεταφορά· ⁑

msA, 4.537, commenting on 4.334-4.335 Τρώων ὁρμήσειε . ὅτι ἡ διπλὴ προς τὸ σχῆμα δι ὅτι ἐλλείπει ἡ επὶ καὶ πτῶσις ενήλακται . ἔστι γὰρ ἀντι τοῦ ὡς ἐπι Τρώας ὀρμήσειεν ὅτι δὲ ἡ κατὰ Ἀρισταρχόν ἔχει καὶ τὸ Ἀχαιῶν ἄμεινον ἀκούειν ἐπ Αχαιοὺς πιθανὸν γὰρ ἐπιμενειν τοὺς Ἕλληνας ἕως ἂν προ ἐπιχειρήσωσιν ἀυτοῖς οἱ βάρβαροι καὶ τρόπον τινὰ δεύτερον μετὰ Πάνδαρον παρασπονδίσωσιν · δι ὃ καὶ μήποτε μεινον ἐν τῇ πολυστίχῳ φέρεται , ἕστασαν ὁππότε κέν τις ἐναντίον ἄλλος ἐπελθὼν Τρώων ὁρμήσειεν καὶ ἄρξειεν πολέμοιο ⁑

msA, 4.541, commenting on 4.339 κεκασμένε· ἐπι κακοῦ ἐκέκαστο κλεπτοσύνη θ’ ὅρκῳ τ’ε ⁑

msA, 4.549, commenting on 4.343 πρώτω γὰρ . ὅτι συλληπτικῶς τὸ τῷ Ὀδυσσεῖ συμβεβηκὼς καὶ ἐπι τοῦ Μενεσθέως κεκοινοποίηκεν οὐ γὰρ ὁ Μενεσθεὺς ἐστι τῶν ἑπτὰ γεροντων ἀλλ’’ Ὀδυσσεὺς Διομήδης οὐδε σὺν τῷ Ἀγαμέμνονι εὐωχεῖται· καὶ ὅτι ἀκουάζεσθον εἶπε τροπικῶς ἀντι τοῦ ἐπαισθάνεσθαι· ἐπεὶ ἡ ἀκοὴ εἶδος ἐστιν αἰσθήσεως , καὶ τὸ οὐδε πληγὴς ἀΐοντες , οὐ λέγει δὲ τῆς εμῆς δαιτὸς πρῶτοι ἀκούετε . ἀλλα πρώτοι μου ἀκούετε περὶ δαιτός οὔτως Ἀρίσταρχ λείπειν δὲ φασι τὴν περὶ εθίμως ἵν’ ἦ οἳ περὶ δαιτος πρώτοι εμου μετα λαμβάνεται οὕτως Ἀπολλώ ἐν τῷ περι αντωνυμιῶν ⁑

msA, 4.552, commenting on 4.345-4.346 ἔνθα φίλ’ οπταλέα· οὗτοι ἐν μεν τοῖς ὑπομνήμασιν . οὐκ αθετοῦνται ἐπαιτιῶνται δὲ αὐτοὺς οἱ ἡμέτεροι ὡς ἀπρεπῶς καὶ παρα τὰ πρόσωπα εἰς κρεάδιον ὀνειδίζοντος τοῦ Ἀγαμέμνονος ⁑

msA, 4.551, commenting on 4.344 ὁπποτε δαῖτα γέρουσιν· ὡς τὸ γερούσιον αἴθοπα οἶνον · αἰσχρον δὲ τὸ ἐν συμποσίῳ τοῖς ἀρίστοις καταλέγεσθαι ἐν δὲ πολέμῳ τοῖς ἐσχάτοις ⁑

msA, 4.559, commenting on 4.351-4.353 πῶς δὴ φὴς· ἀμφίβολος ἡ ἀνάγνωσις ήτοι γὰρ εἰς τὸ μεθιέμεν διαστολη· στιγμὴ δὲ τελεία εὶς τὸ Ἄρηα ἢ εἰς τὸ μεθιεμεν τελεία στιγμὴ . ὑπο στιγμὴ δὲ εἰς τὸ Ἄρηα . ὃ καὶ βελτιον ἵνα λέγῃ τότε φανήσεσθαι ἀνδρείως , ὁππότ αν πόλεμος ᾖ ⁑

msA, 4.558, commenting on 4.350 ἕρκος ὀδόντων· ὁποῖον τοῦτον λόγον ἐτόλμησας τῷ στόματί σου εἰπεῖν· ἕρκος γάρ φησιν τὸ περίφραγμα τῶν ὀδόντων τὰ χείλη περιφραστικῶς ⁑

msAil, 4.853, commenting on 4.334 τξ ἄνδρες ⁑

msAil, 4.1003, commenting on 4.339 τὸν Οδ

msAim, 4.849, commenting on 4.338 τὸν Μενεσθέα :

msAim, 4.850, commenting on 4.345 λειπ τὸ εστ :

msAim, 4.851, commenting on 4.346 δασυντέον τὸ μελιἡδε ⁑

msAim, 4.852, commenting on 4.357 προς τὸ σχημ οτ τῇ γενικῇ ἀντι τῆς αἰτιατικης ⁑

msAint, 4.542, commenting on 4.339 οτ Ζηνοδ γραφει φαίδιμ Οδ ασυμφώνως δὲ τῇ ἐπιπλήξει φαίδιμ ἂ νὺν λέγοιτο ⁑