Manuscript msA, page 61v

Manuscript msA, page 61v

prev: 61r

next: 62r

Iliad text

4.512 οὐ μὰν οὐδ’ Ἀχιλεὺς , Θέτιδος παῖς ἠϋκόμοιο1

4.513 μάρναται· ἀλλ’ ἐπὶ νηυσὶ χόλον θυμαλγέα πέσσει·1, 2

4.515 ῶρσε Διὸς θυγάτηρ κυδίστη Τριτογένεια ,1, 2

4.516 ἐρχομένη καθ’ ὅμῑλον , ὅθι μεθίεντας ἴ̈δοιτο·1, 2

4.517 Ἔνθ’ Ἀμαρυγκείδην Διώρεα μοῖρ’ ἐπέδησε .1, 2

4.518 χερμαδίῳ γὰρ βλῆτο παρὰ σφυρὸν ὀκριόεντι1

4.519 κνήμην δεξιτερήν· βάλε δὲ Θρῃκῶν ἀγὸς ἀνδρῶν .1

4.520 Πείρως Ϊμβρασίδης . ὃς ἂρ Αἰνόθεν εἰληλούθει·1

4.521 ἀμφοτέρω δὲ τένοντε καὶ ὀστέα λᾶας ἀναιδὴς1, 2

4.522 ἄχρις ἀπηλοίησεν· ὁ δ’ ὕπτιος ἐν κονίῃσι1

4.523 κάππεσεν· ἄμφω χεῖρε φίλοις ἑτάροισι πετάσσας·1, 2

4.524 θυμὸν ἀποπνείων . ὁ δ’ ἐπέδραμεν· ὅς ρ’ ἔβαλέν περ1

4.525 Πείρως · οῦτα δὲ δουρὶ παρ’ ὀμφαλὸν . ἐκ δ’ ἄρα πᾶσαι1

4.526 χύντο χαμαὶ χολάδες . τὸν δὲ σκότος ὄσσ’ ἐκάλυψεν·1, 2

4.527 Τὸν δὲ Θόας Αἰτωλὸς ἐπεσσύμενον βάλε δουρὶ1, 2, 3

4.528 στέρνον ὑπὲρ μαζοῖο , πάγη δ’ ἐν πνεύμονι χαλκός·1

4.529 ἀγχίμολον δέ οἱ ἦλθε Θόας · ἐκ δ’ ὄβριμον ἔγχος1

4.530 ἐσπάσατο στέρνοιο· ἐρύσσατο δὲ ξίφος ὀξὺ·1

4.531 τῷ ὅ γε γαστέρα τύψε μέσην· ἐκ δ’ αίνυτο θυμὸν .1

4.532 τεύχεα δ’ οὐκ ἀπέδυσε , περίστησαν γὰρ ἑταῖροι1

4.533 Θρήϊκες ἀκρόκομοι· δολὶχ ἔγχεα χερσὶν ἔχοντες·1

4.534 οἵ ἑ μέγαν περ , ἐόντα· καὶ ἴφθιμον· καὶ ἀγαυὸν1, 2

4.535 ὦσαν ἀπο σφείων· ὁ δὲ χασσάμενος πελεμίχθη .1, 2

4.536 ὡς τώ γ’ ἐν κονίῃσι παρ’ ἀλλήλοισι τετάσθην1

Scholia text

msA, 4.758, commenting on 4.515 ‡ Τριτογένεια · ἡ Ἀθηνᾶ ἡ τὸ τρεῖν καὶ φοβεῖσθαι γεννῶσα τοῖς πολεμίοις . ἡ ἐπι Τρίτωνι ποταμῷ τῆς Λιβύης γεννηθεῖσα ὅτι γεννηθεὶσαν ἔτρεσαν αὐτην οἱ θεοί ⁑

msA, 4.771, commenting on 4.526 ‡ χῦντο χαμαὶ χολάδες· τὰ ἔντερα ἐπειδὴ εἰς αὐτὰ συρρεῖ ἡ ξανθὴ χολὴ τοῦτο μηχανησαμένης τῆς φύσεως προς τὸ διαθερμαίνεσθαι καὶ ἐρεθίζεσθαι αὐτὰ τῇ δριμύτητι αυτης πρὸς τὴν ἀπόκρισιν τῶν περιττῶν· ἤμελλεν γὰρ ψυχρὰ ὄντα τῇ κράσει ἀργὰ μένειν καὶ μηδεπότε ποιεῖν τὴν ἀπόκρισιν τοιαῦτα γὰρ τὰ νευρώδη πάντα· οἱ δὲ ἐτυμολόγησαν παρα τὸ χεῖσθαι οὐ καλῶς ⁑

msA, 4.775, commenting on 4.534 οἵ ε μέγαν περ ἐόντα· ἐγκλητικῶς ἀναγνωστέον ἵνα εἰς ἁπλην ἀντωνυμίαν ἡ μετάληψις γένηται ⁑

msA, 4.778, commenting on 4.535 ὠς ἂν ἀπο σφείων· ἡ διπλὴ προς τὸ σημαινόμενον ὅτι τὰ ἐμπησσόμενα τῇ ἀσπίδι δόρατα ἀναχωροῦντες διετίνασσον ἵνα ἐκπέση ⁑

msAext, 4.886, commenting on 4.516 μεθιέντας

msAim, 4.881, commenting on 4.517 Ἀρισταρχ μοῖρα πέδησε Ϊα ⁑

msAim, 4.882, commenting on 4.521 οτ μεταφορικῶς τὸν ἀνένδοτον καὶ σκληρὸν αναιδ λέγει ⁑

msAim, 4.883, commenting on 4.523 βραχεῖα διαστ μετα τὸ ρημ ⁑

msAim, 4.884, commenting on 4.527 Ἀρισταρχ δια τοῦ α ἀπεσσύμενον ἀπιόντα τὸν Πείρωια ἐν δὲ τῇ ἑτέρᾳ ἑπεσσύμε ἵνα ἐπι τοῦ Θόαντος λέγηται ἄτοπος δὲ τέλεον ἡ φερομένη ἐπεσσύμενον ⁑

msAim, 4.885, commenting on 4.538 συναπτέον ἕως τοῦ ἡγεμόνες ⁑

msAint, 4.774, commenting on 4.527 οτ τὸ βάλε ἐκ βολῆς ετρωσε ⁑