Manuscript msA, page 65r

Manuscript msA, page 65r

prev: 64v

next: 65v

Iliad text

5.136 δὴ τότε μιν , τρὶς , τόσσον ἕλεν μένος . ὥς τε λέοντα·1

5.137 ὅν ῥά τε ποιμὴν ἀγρῷ . ἐπ’ εἰροπόκοις ὀΐεσσι·

5.138 χραύση μέν τ’ αὐλῆς ὑπὲράλμενον οὐδὲ δαμάσσῃ .1, 2

5.139 τοῦ μέν τε σθένος ῶρσεν· ἔπειτα δέ τ’ οὐ προσαμύνει .

5.140 ἀλλα κατα σταθμοὺς δύεται· τὰ δ’ ἐρῆμα φοβεῖται·1, 2

5.141 αἱ μέν τ’ ἀγχηστῖναι ἐπ’ ἀλλήλῃσι κέχυνται·

5.142 αὐτὰρ ὃ ἐμμεμαὼς , βαθέης ἐξάλλεται αὐλῆς·1

5.143 ὡς μεμαὼς Τρώεσσι μίγη κρατερὸς Διομήδης ·

5.144 Ἔνθ’ ἕλεν Ἀστύνοον καὶ Ὑπείρονα ποιμένα λαῶν·

5.145 τὸν μὲν ὑπερ μαζοῖο βαλὼν χαλκήρεϊ δουρί·1

5.146 τὸν δ’ έτερον ξίφει μεγάλῳ κληῗδα παρ’ ὦμον1, 2

5.147 πλῆξ’· ἀπο δ’ αὐχένος ὦμον εέργαθεν ἠδ’ ἀπὸ νώτου .1

5.148 τοὺς μὲν ἔασ’ . ὁ δ’ Ἄβαντα μετῴχετο καὶ Πολύειδον 1

5.149 υἱέας Εὐρυδάμαντος ὀνειροπόλοιο γέροντος·1

5.150 τοῖς οὐκ ερχομένοις ὸ γέρων ἐκρίνατ’ ὀνείρους ,1

5.151 ἀλλά σφεας . κρατερὸς Διομήδης ἐξενάριζε·

5.152 βῆ δὲ μετὰ Ξάνθόν τε Θόωνά τε Φαίνοπος υἷε

5.153 ἄμφω τηλυγέτω· ὁ δὲ τείρετο γήραϊ λυγρῷ·1

5.154 υἱὸν δ’ οὐ τέκετ’ ἄλλον ἐπὶ κτεάτεσσι λιπέσθαι·

5.155 ἔνθ’ ὅ γε τοὺς ἐνάριζε . φίλον δ’ ἐξαίνυτο θυμὸν

5.156 ἀμφοτέρω· πατέρι δὲ γόον καὶ κήδεϊ λυγρὰ1

5.157 λεῖπ’ ἐπεὶ οὐ ζώοντε μάχης ἐκνοστήσαντε

5.158 δέξατο· χηρωσταὶ δὲ διὰ κτῆσιν δατέοντο·1, 2

5.159 Ἔνθ’ υἷας Πριάμοιο δύω λάβε Δαρδανίδαο

5.160 εἰν ἑνὶ δίφρῳ ἐόντας , Ἐχέμμονά τε χρομίον τε·

Scholia text

msA, 5.1043, commenting on 5.140 ἀλλὰ κατα σταθμοὺς ὅτι σταθμοὺς τὰς κατ αγρὸν ἐπαύλεις καὶ ὅτι ἐπι τὸ συνώνυμον εἴληφεν ἄνω γὰρ εἴρηκεν εἰροπόκοις ὀΐεσσι , νῦν δὲ τὰ δ’ ερεῖμα φοβεῖται ⁑

msA, 5.1044, commenting on 5.142 βαθέης ἐξάλλεται αὐλῆς ἔνιοι τὸ εξ ἀντι τοῦ ἔξω ἀκούουσιν ἔξω ων βαθέης αὐλῆς ἄλλεται εἰς τὸ ἐντὸς ὁ μέντοι Ἀπολλώνιος ἐν τῷ Περι προθέσεως ἓν λέγει εἶναι τὸ ἐξάλλεται ⁑

msA, 5.1045, commenting on 5.146 κληῗδα τὴν κατακλεῖδα παρα τὸ κλείεσθαι ὑπ αυτῆς τόν τε αὐχένα καὶ τὸν ὦμον καὶ Δημοσθενης φησὶ τὴν κλεῖν κατεαγοτα ⁑

msA, 5.1046, commenting on 5.148 τοὺς μὲν ἔασ’ , πρὸς τὴν ὁμωνυμίαν καὶ γὰρ Ἀργείων ἐβασίλευε Πολύϊδος ὁ τὸν Μίνωος ἀνευρὼν παῖδα μάντις , ἡ δὲ ἀναφορὰ πρoς τὸ Αἴθρη Πιτθῆος θυγάτηρ ⁑

msA, 5.1047, commenting on 5.150 τοῖς οὐκ ερχομένοις . ἡ διπλῆ προς τὴν ἑρμηνείαν . τὸ δὲ ὅλον οἶς τισι μὴ ἐπανιοῦσι τοῦ πολέμου ὁ γέρων ἔκρινε τοὺς ὀνείρους ἔστι γὰρ τῶν ἀμφιβόων , ἤτοι γε ἐμαντεύσατο ὡς οὐκ επανερχομένοις . ἠ ἐν ήθει λέλεκται καὶ οὐ προεῖπεν δια τῶν ὀνείρων ὅτι ἀναιρεθήσονται ⁑

msA, 5.1048, commenting on 5.156 ἀμφοτέρω , ὅτι Ζηνόδοτος γράφει σὺν τῷ ν ἀμφοτέρων , οὕτως δὲ λέγει ἀμφοτέροις ἀφείλετο τὸν θυμον , τὸ γὰρ ἀμφοτέρω , νῦν ἀμφοτέρους σημαίνει· ὁμοίως δὲ λέγεται καὶ κατὰ τὸ ἑνικὸν , ἐπεί μ’ αφελεσθέ γε δόντες ⁑

msA, 5.1049, commenting on 5.158 ‡χηρωσταί ὡς ἀθληταί , οὕτως καὶ ὁ Ἀσκαλωνίτης , τὰ γὰρ εἰς τῆς λήγοντα ῥηματικὰ ὑπερ δύο συλλαβὰς φύσει μακρά παραληγόμενα , ὀξύνεται· τορευτής · βραβευτής ἀθλητής ποιητής · ὀρχιστής , χρυσωτής οὕτως οὖν καὶ παρα τὸ εεδνώσαι τὰ θύγατρα , τὸ εεδνωτής , καὶ παρὰ τὸ χηρώσας δὲ γυναῖκα τὸ χηρωστής μάχεται τὸ κυβερνήτης · τὸ γὰρ αήτης ἄλλως γέγονεν , τὸ δὲ παρα Σοφοκλεῖ ἐν Αλεξάνδρῳ στείχων δ’ ἀγρώστην ὄχλον παρώνυμον ⁑

msAim, 5.6043, commenting on 5.140 ὅτι προς το σημαινόμενον καὶ οὐ προς τὸ ρητὸν τοῦτο ἐπήγαγεν ⁑

msAim, 5.6044, commenting on 5.146 ὅτι Ζηνόδοτος γράφει τοῦ δ’ ετερου · ὁ δὲ ποιητὴς οὕτως λε ξανθῆς δὲ κόμης ἕλε Πηλείωνα ⁑

msAim, 5.6045, commenting on 5.149 ὅτι ὀνειροπο ὁ δια τῶν ἰδίων ὀνείρων μαντευόμε οὐχ ὀνειροκριτης ⁑

msAint, 5.6046, commenting on 5.138 ξύσει ψαύσει

msAint, 5.6047, commenting on 5.145 ὅτι τὴν πόρρωθεν τρῶσιν βολὴν λέγει ⁑

msAint, 5.6048, commenting on 5.147 πρὸς τὴν διαφορὰν τοῦ πλῆξε καὶ ἔβαλεν ὅτι ἐκ χειρὸς επάταξεν ⁑

msAint, 5.6049, commenting on 5.153 καὶ ὅτι ἐπει δύο τὸ τιλύγετος ⁑

msAint, 5.6050, commenting on 5.158 οἱ ἀλλότριοι τοῦ γένους κληρονόμοι·