Manuscript msA, page 75r

Manuscript msA, page 75r

prev: 74v

next: 75v

Iliad text

5.636 εἶναι· ἐπεὶ πολλὸν κείνων ἐπιδεύεαι ἀνδρῶν ,

5.637 οἱ Διὸς ἐξεγένοντο ἐπὶ προτέρων ἀνων ·

5.638 ἀλλ’ οἷόν τινα φασὶ βίην Ἡρακλειείην 1, 2, 3

5.639 εἶναι . ἐμὸν πατέρα , θρασυμέμνονα θυμολέοντα·1

5.640 ὅς ποτε δεῦρ’ ἐλθὼν ἕνεχ’ ἵππων Λαομέδοντος

5.641 ἓξ οἴῃς σὺν νηυσὶ καὶ ἀνδράσι παυροτέροισιν

5.642 ‘ Ϊλίου ἐξαλάπαξε πόλιν· χήρωσε δ’ ἀγυιάς·

5.643 σοὶ δὲ κακὸς μὲν θυμὸς , ἀποφθινύθουσι δὲ λαοὶ·

5.644 οὐδέ τι σε Τρώεσσιν ὀΐομαι ἄλκαρ ἔσεσθαι

5.645 ἐλθόντ’ ἐκ Λυκίης . οὐδ’ εἰ μάλα καρτερός ἐσσι·

5.646 ἀλλ’ ὑπ’ ἐμοὶ δμηθέντα πύλας Ἀΐδαο περήσειν·

5.647 τὸν δ’ αὖ Σαρπηδὼν Λυκίων ἀγὸς ἀντίον ηὔδᾱ·

5.648 Τληπόλεμ’ , ἤτοι κεῖνος ἀπώλεσεν ´Ϊλιον ῾ϊρὴν1

5.649 ἀνέρος ἀφραδίῃσιν ἀγαυοῦ Λαομέδοντος ·

5.650 ὁς ῥά μιν εὖ έρξαντα· κακῷ ἠνίπαπε μύθω .

5.651 οὐδ’ ἀπέδωχ’ ἵππους· τὧν εἵνεκα τηλόθεν ἦλθε·

5.652 σοὶ δ’ ἐγὼ ἐνθάδε φημὶ φόνον καὶ κῆρα μέλαιναν

5.653 ἐξ ἐμέθεν τεύξεσθαι· ἐμῷ δ’ ὑπο δουρὶ δαμέντα .

5.654 εὖχος ἐμοὶ δώσειν , ψυχὴν δ’ Ἄϊδι κλυτοπώλῳ·1

5.655 ὡς φάτο Σαρπηδὼν , ὁ δ’ ἀνέσχετο μείλινον ἔγχος

5.656 Τληπόλεμος , καὶ τῶν μὲν , ἁμαρτῇ δούρατα μακρὰ1

5.657 ἐκ χειρῶν ἤϊξαν· ὁ μὲν βάλεν αὐχένα μέσσον1

5.658 Σαρπηδὼν , αἰχμὴ δὲ διαμπερὲς ἦλθ’ ἀλεγεινή·

5.659 τὸν δὲ κατ’ ὀφθαλμῶν ἐρεβεννὴ νὺξ ἐκάλυψεν·

5.660 Τληπόλεμος δ’ ἄρα μηρὸν ἀριστερὸν ἔγχεϊ μακρῷ

Scholia text

msA, 5.3001, commenting on 5.638 ‡ἀλλ’ οἶον τινὰ· ταῦτα . ἀφ ετέρας ἀρχης πάντως ἀναγνωστέον· ἐάν τε δασύνωμεν τὸ οἷον ὡς Ἀριστοφανης καὶ Ἀρίσταρχος · ἐὰν τε ψιλῶμεν ὡς Παρμενίσκος . μᾶλλον δὲ ἐκ τοῦ δασυνομένου ὁ θαυμασμος νοεῖται καὶ μάλιστα ὅ τι πρόκειται τὸ τίνα ⁑

msA, 5.3003, commenting on 5.639 θρασυμέμνονα· τολμηρόν θρασὺν ἐν τῷ μένειν ἢ θρασέως ὑπομενοντ ἐν τῇ μάχῃ ⁑

msA, 5.3004, commenting on 5.654 κλυτοπώλῳ· ἐνδόξους ἵππους ἔχοντι ἡ οὗ κλυτὴ ἐστιν ἡ ἐπιπώλησις οἷον ἀκουστὴ διὰ τὰς ἐπι τοῖς ἀποθνήσκουσιν οἰμωγας . ἡ οἰκέτῳ ἠ ἐπιθέτω καὶ κατα τοῦ Ἅδου κεχρῆσθαι . διὰ την της Περσεφόνης ἁρπαγην . ἠ κλυτοπώλῳ τῷ ἱππικῷ ἁρμόδιον δὲ τὸ ἐπίθετον τῷ ἅμα νοήματι , τὰ πανταχοῦ ζῶα καταλαμβάνοντι ⁑

msA, 5.3005, commenting on 5.656 ‡καὶ τὸν μὲν ἁμαρτῇ τὸ ἁμαρτῇ δασέως . περισπᾷ δὲ , καὶ ὁ Ἀσκαλωνίτης καὶ οἱ πλείους· ὀξύνει δὲ ὁ Ἀρίσταρχος βουλόμενος αὐτῷ τοῦ ἁμαρτήδην ἀποκεκόφθαι· διὸ καὶ κατ αυτὸν χωρὶς τοῦ ϊ γεγράψεται . ἐπικρατεῖ μέντοι τὸ περισπώμενον γενόμενον παρα τὸ ἅμα καὶ τὸ ἀρτῶ ⁑

msAim, 5.3006, commenting on 5.638 οτι τὸ οἷον ἐπι θαυμασμοῦ τινὲς δὲ ἀλλοῖον παρα τοὺς νῦν Ζηνοδ δὲ καὶ και ἀμέτρως γράφει Ἡρακλείην ⁑

msAim, 5.3007, commenting on 5.648 ὅτι θηλυκως την Ἴλιον ·

msAint, 5.3008, commenting on 5.657 οτι τὰ δόρατα ήϊξαν ⁑