Manuscript msA, page 78v

Manuscript msA, page 78v

prev: 78r

next: 79r

Iliad text

5.813 Τυδέος ἔκγονός ἐσσι δαΐφρονος Οἰνείδαο ·1

5.814 τὴν δ’ ἀπαμειβόμενος προσέφη κρατερὸς Διομήδης ·1

5.815 γιγνώσκω σε θεὰ θύγατερ Διὸς αἰγιόχοιο·

5.816 τῶ τοι προφρονέως ἐρέω ἔπος , οὐδ’ ἐπικεύσω·

5.817 οὔτέ τι με δεός ἴ̈σχει ἀκήριον . οὔτέ τις ὄκνος·

5.818 ἀλλ´’ ἔτί , σῶν μέμνημαι ἐφετμέων . ἃς , ἐπέτειλας·

5.819 οὔ μ’ εἴᾱς μακάρεσσι θεοῖς ἀντικρὺ μάχεσθαι

5.820 τοῖς ἄλλοις· ἀτὰρ εἴ κε Διὸς θυγάτηρ Ἀφροδίτη

5.821 ἔλθῃσ’ ἐς πόλεμον τήν γ’ οὐτάμεν ὀξέϊ χαλκῷ .

5.822 τούνεκα νῦν αὐτός τ’ ἀναχάζομαι· ἠδὲ καὶ ἄλλους

5.823 Ἀργείους ἐκέλευσα , ἀλήμεναι ἐνθάδε πάντας .

5.824 γῑνώσκω γὰρ Ἄρηα μάχην ἀνὰκοιρανέοντα·1, 2

5.825 Τὸν δ’ ἠμείβετ’ ἔπειτα θεὰ γλαυκῶπις Ἀθήνη ·

5.826 Τυδείδη Διόμηδες , ἐμῷ κεχαρισμένε θυμῷ·

5.827 μήτε σύ γ’ Ἄρηα τό γε δείδιθι· μήτέ τιν’ ἄλλον

5.828 ἀθανάτων . τοίη τοι ἐγὼν ἐπιτάρροθός εἰμι·

5.829 ἀλλ’ άγ’ ἐπ’ Ἄρηϊ πρώτῳ ἔχε μώνυχας ἵππους·

5.830 τύψον δὲ σχεδίην . μὴ δ’ ἅζεο θοῦρον Ἄρηα 1

5.831 τοῦτον μαινόμενον , τυκτὸν κακὸν . ἀλλοπρόσαλλον .1

5.832 ὃς πρώιην μὲν ἐμοί τε καὶ Ἥρῃ στεῦτ’ ἀγορεύων1

5.833 Τρωσὶ μαχήσεσθαι· ἀτὰρ Ἀργείοισιν ἀρήξειν ,

5.834 νῦν δὲ μετα Τρώεσσιν ὁμιλεῖ . τῶν δὲ λέλασται·1

5.835 ὡς φαμένη· Σθένελον μὲν ἀφ’ ἵππων ὦσε χαμᾶζε·

5.836 χειρὶ πάλιν ἐρύσας’· ὁ δ’ ὰρ ἐμμαπέως ἀπόρουσεν·1, 2

5.837 ἡ δ’ ἐς δίφρον ἔβαινε παραὶ Διομήδεα δῖον

Scholia text

msA, 5.4041, commenting on 5.831 ἀλλοπρoσαλον· σύνθετον ἐστι δι ὃ οὐ κατ’ ϊδίαν ὁ τόνος της πρώτης λέξεως λέγεται ὁμοίως δὲ τῷ ἀλλοθρόους ἀλλοειδέας ⁑

msAext, 5.4085, commenting on 5.813 ἐκγονος ὁ υἱος· ἐγγονος ὁ υἱωνός

msAil, 5.4087, commenting on 5.836 προθύμως

msAim, 5.4064, commenting on 5.824 τὸ ἀνα αντι τῆς κατα ⁑

msAim, 5.4066, commenting on 5.832 ‡ προς τὸ στεῦτο οτι το κατα διάνοιαν διωρίζετο ἡ λέξις σημαίνει ⁑

msAim, 5.4067, commenting on 5.834 ὅτι ἀντὶ ἐν τοῖς Τρωσιν εστ μετα τῶν Τρώων·