Manuscript msA, page 81r

Manuscript msA, page 81r

prev: 80v

next: 81v

Iliad text

6.26 ἡ δ`’ ὑποκοσαμένη διδυμάονε γείνατο παῖδε :1

6.27 καὶ μὲν τῶν ὑπέλυσε μένος καὶ φαίδιμα γυῖα

6.28 Μηκιστηϊάδης καὶ ἀπ’ ὤμων τεύχε’ ἐσύλα :1

6.29 Ἀστύαλον δ’ ὰρ ἔπεφνε μενεπτόλεμος Πολυποίτης :

6.30 Πιδύ̄την δ’ Ὀδυσσεὺς Περκώσιον ἐξενάριξεν

6.31 ἔγχεϊ χαλκείῳ , Τεῦκρος δ’ Ἀρετάονα δῖον :1, 2

6.32 Ἀντίλοχος δ’ Ἄβληρον : ἐρήρατο δουρὶ φαεινῷ

6.33 Νεστορίδης : Ἔλατον δὲ ἄναξ ἀνδρῶν Ἀγαμέμνων ,

6.34 ναῖε δὲ Σατνιόεντος ἐϋρρείταο παρ’ ὄχθας1

6.35 Πήδασον αἰπεινήν . Φύλακον δ’ ἕλε Λήϊτος ἥρως1

6.36 φεύγοντ’ . Εὐρύπυλος δὲ Μελάνθιον ἐξεναρίξεν :1

6.37 Ἄδρηστον δ’ ἂρ’ ἔπειτα βοὴν ἀγαθὸς Μενέλαος1

6.38 ζωὸν ἕλ’ : ἵππω γὰρ οἱ ἀτυζομένω πεδίοιο .

6.39 ὄζω ἐνι βλαφθέντε μυρικίνῳ . ἀγκύλον ἅρμα1, 2

6.40 ἄξαντ’ ἐν πρώτῳ ῥυμῷ . αὐτῶ μὲν ἐβήτην1, 2

6.41 πρὸς πόλιν . ᾗ περ οἱ ἄλλοι ἀτυζόμενοι φοβέοντο :1

6.42 αὐτὸς δ’ ἐκ δίφροιο . παρὰ τροχὸν ἐξεκυλίσθη

6.43 πρηνὴς ἐν κονίῃσιν . ἐπὶ στόμα : παρ δέ οἱ έστη1

6.44 Ἀτρείδης Μενέλαος ἔχων δολιχόσκιον ἔγχος :

6.45 Ἄδρηστος δ’ ὰρ ἔπειτα λαβῶν ἐλίσσετο γούνων :1

6.46 ζώγρει Ἀτρέος υἱὲ . σὺ δ’ ἄξια δέξαι ἄποινα :

6.47 πολλὰ δ’ ἐν ἀφνειοῦ πατρὸς κειμήλια κεῖται .

6.48 χαλκός τε , χρυσός τε , πολύκμητός τε σίδηρος :

6.49 τῶν κέν τοι χαρίσαιτο πατὴρ ἀπερείσι’ ἄποινα

6.50 εἴ κεν ἐμὲ ζωὸν πεπύθοιτ’ ἐπὶ νηυσὶν Ἀχαιῶν :1

Scholia text

msA, 6.11, commenting on 6.28 καὶ ἀπ’ ὥμων τεύχε ἐσύλα καὶ ἀπεγύμνου τῶν ὤμων τὰ ὅπλα . ἔστι δὲ ὑπερβατὸν και συνεκδοχῇ ὅλου τοῦ σώματος ⁑

msA, 6.12, commenting on 6.31 ἔγχεϊ χαλκείω τοῦτο δύναται καὶ τοῖς ἑξῆς συνάπτεσθαι κοινὸν γὰρ τὸ ἐξεναριξεν ⁑

msA, 6.13, commenting on 6.34 ναῖε δὲ Σατνιόεντος ὅτι Ζηνόδοτος γράφει ὃς ναῖε Σατνιόεντος ὁ Ἔλατος . κακόφωνον δὲ γίνεται ⁑

msA, 6.14, commenting on 6.36 φεύγοντ’ εὐρύπυλος δὲ· καὶ τοῦτο δύναται τοῖς ἑξῆς συνάπτεσθαι φεύγοντ’ Εὐρυπυλος δὲ ἐπι δὲ τῶν τοιούτων νοείσθω· ὅτι οὐχ Ὁμηρικὸν τὸ τοῦ συνδέσμου ὑπερβατόν ⁑

msA, 6.15, commenting on 6.35 Πήδασον αἱπεινην Φύλακον δ’ ἕλε Λήϊτος ἥρως Ἀχιλλεὺς ὑπο τὸν Τρωϊκον πόλεμον πορθῶν τὰς περιοίκους της Ἰλιου πόλεις . ἀφίκετο ἐις τὴν πάλαι Μονηνίαν · νῦν δὲ Πήδασον καλουμ καὶ αὐτην σὺν ταῖς ἄλλαις ἑλεῖν . τα πεινοῦντος δὲ αὐτοῦ την εἰς τὸ τελος πολιορκίαν δια τὴν ὀχυρότητα τοῦ τόπου μέλλοντος ἀναχωρεῖν . φασὶν εἴσω τῶν τειχων οὖσαν τινὰ παρθένον ἐρασθῆναι τοῦ Ἀχιλλεως καὶ λαβοῦσαν μῆλον ἐις τοῦτο ἐπιγράψαι . καὶ ῥίψαι εἰς μέσον των Ἀχαιων ἦν δὲ ἐν αὐτῳ γεγραμμένον· μὴ σπεὺδ’ Ἀχιλεῦ πρὶν Μονηνιαν ἑλ ὕδωρ γαρ οὐκ ἔνεστι διψῶσι κακῶς . τὸν δὲ Ἀχιλλ ἐπιμείναντα οὕτω λαβεῖν την π τῆ τοῦ ὕδατος σπάνῃ η ϊστορία παρὰ Δημητρίω καὶ Ἠσιόδω ⁑

msA, 6.16, commenting on 6.39 ὄζω ἐνι βλαφθέντε μυρικίνω ἄγκυλον ἅρμα ἀναγκαῖαι διαστ ἐπι το πεδίοιο μυρικίνῳ , ῥυμῷ πρὸς π ἵν ἦ σαφέστερον ⁑

msA, 6.17, commenting on 6.39 ὄζω ἐνι βλαφθεν οὐκ αναγκαῖον ἀναστρέφειν· δύναται γὰρ πρὸς τῷ μυρικίνῳ συντάσσεσθαι ⁑

msA, 6.18, commenting on 6.41 πρὸς π ᾗ περ οἱ ἄλλοι ἀτυζόμενοι φοβεόντο ὅτι ἀντι του ἔφευγον· ἐπι τούτου γὰρ ἀεὶ τὴν λέξιν τίθῃσιν . τὸ δὲ ἀτυζόμενοι· παρὰ τὸ ἄτῶ ἄττω ἀττύω καὶ ἀττύζω Αἰολικῶς ⁑

msAil, 6.A4, commenting on 6.40 ε

msAil, 6.283, commenting on 6.26 ἡ βαρβαρέη

msAim, 6.210, commenting on 6.31 οἱ μεν Ἀρετάονα ἐξεδέξαντο οἱ δὲ ὰρ εῖτα Ἐτάωνα

msAim, 6.211, commenting on 6.37 οτι ἐλλειπ ἡ δία καὶ ίππῳ δυϊκῶς ὡς επι ξυνωριδ εφη ⁑

msAint, 6.164, commenting on 6.40 οτι πρώτῳ αντι τοῦ ἄκρω καὶ οτι εἰς ῥυμός ⁑

msAint, 6.165, commenting on 6.50 προς τὸν ἀναδιπλασιασμὸν οτι ὡς λελάχωσι αντι τοῦ πύθοιτο ⁑