Manuscript msA, page 86v

Manuscript msA, page 86v

prev: 86r

next: 87r

Iliad text

6.306 ἆξον δὴ ἔγχος Διομήδεος . ἠδὲ καὶ αὐτὸν

6.307 πρηνέα δὸς πεσέειν Σκαιῶν προπάροιθε πυλάων :

6.308 ὄφρά τοι αὐτίκα νῦν δυοκαίδεκα βοῦς ἐνι νηῷ

6.309 ήνῑς . ἠκέστας . ἱ̈ερεύσομεν , αἴ κ’ ἐλεήσῃς

6.310 ἄστύ τε . καὶ Τρώων ἀλόχους . καὶ νήπια τέκνα :

6.311 ὡς ἔφατ’ εὐχομένη : ἀνένευε δὲ Παλλὰς Ἀθήνη :1

6.312 ὡς αἱ μέν ρ’ εὔχοντο Διὸς κούρῃ μεγάλοιο :

6.313 Ἕκτωρ δὲ πρὸς δώματ’ Ἀλεξάνδροιο βεβήκει

6.314 καλὰ . τά ῥ’ αὐτὸς ἔτευξε σὺν ἀνδράσιν : οἳ τότ’ ἄριστοι

6.315 ἦσαν ἐνι Τροίῃ ἐριβώλακι τέκτονες ἄνδρες :

6.316 οἵ , οἱ , ἐποίησαν θάλαμον : καὶ δῶμα . καὶ αὐλὴν ,

6.317 ἐγγύθι τε Πριάμοιο καὶ Ἕκτορος . ἐν πόλει ἄκρῃ :1

6.318 ἔνθ’ Ἕκτωρ εἰσῆλθε Διῒ φίλος : ἐν δ’ άρα χειρὶ

6.319 ἔγχος ἔχ’ ἑνδεκάπηχυ : πάροιθε δὲ λάμπετο δουρὸς1, 2

6.320 αἰχμὴ χαλκείη : περὶ δὲ χρύσεος θέε πόρκης :1

6.321 τόνδ`’ εὗρ’ ἐν θαλάμῳ περικαλλέα τεύχε’ ἔποντα

6.322 ἀσπίδα καὶ θώρηκα : καὶ ἀγκύλα τόξ’ ἀφόωντα :1

6.323 Ἀργείη δ’ Ἑλένη . μετ’ άρα δμῳῆσι γυναιξὶν

6.324 ἧστο : καὶ ἀμφιπόλοισι περικλυτὰ ἔργα κέλευε :

6.325 τὸν δ’ Ἕκτωρ νείκεσσεν ἰ̈δὼν . αἰσχροῖς ἐπέεσσι :1

6.326 δαιμόνι’ : οὐ μὲν καλὰ χόλον τόνδ’ ἔνθεο θυμῷ :1

6.327 λαοὶ μὲν φθινύθουσι περι πτόλιν αἰπύ τε τεῖχος

6.328 μαρνάμενοι : σέο δ’ εἵνεκ’ ἀϋτή τε πτόλεμός τε

6.329 ἄστυ τόδ’ ἀμφιδέδηε . σὺ δ’ ὰν μαχέσαιο καὶ ἄλλῳ

6.330 εἴ τινά που μεθιέντα ἴ̈δοις στυγεροῦ πολέμοιο :1

Scholia text

msA, 6.101, commenting on 6.311 ‡ ὡς ἔφατ’ εὐχομενη ἀθετεῖται οτι προς οὐδὲν τὸ ἐπιφώνημα καὶ οὐκ ἠθισμένον . κατὰ μὲν γὰρ τὸ ἐναντίον ὁ Ζεὺς ἐπιβεβαιοῖ κατανεύων καὶ ἑξῆς δὲ ἐπιλεγομένου ὡς αἱ μέν ῥ εὔχοντο σαφῶς γίνεται περισσὸς ὁ στίχος . γελοία δὲ καὶ ἡ ἀνανεύουσα Ἀθηνᾶ ⁑

msA, 6.102, commenting on 6.319 ‡ ἑνδεκάπηχυ οἱ μὲν διαιροῦσιν ἔχεν εῖτα δεκάπηχύ . οἱ δὲ ἐνδεκάπηχυ· ὁ μεν οὖν ἀσκαλωνίτης οὐδὲμίαν προκρίνει· οἱ δὲ περὶ Ηρακλέωνα καὶ Ἀλεξίωνα πιθανωτέραν ἡγοῦνται την του ἔνδεκα ἀριθμοῦ διαστολὴν . ἐπειδήπερ τὰ ναύμαχα τὰ ἐκ δύο συμβληθέντα καὶ κολληθέντα . λέγεται δύο καὶ εἰκοσίπηχυ ⁑

msA, 6.103, commenting on 6.320 πόρκης ὁ κρίκος . ὁ συνέχων τον σίδηρον προς τὸ ξύλν του δόρατος δια τὸ πείρην τὸ δόρυ δι’ αυτοῦ ⁑

msA, 6.104, commenting on 6.322 ἀσπίδα καὶ θώρηκα βραχὺ διασταλτέον ἐπι τὸ θώρηκα . πρεπωδέστερον γὰρ ἐπι τοῦ τόξου τὸ ἀφόωντα

msA, 6.105, commenting on 6.325 τὸν δ’ Ἕκτωρ νείκεσσεν ὅτι κυκλικως κατα κέχρηται οὐδὲν γὰρ λέγεται ἐπιπληκτικόν ⁑

msA, 6.106, commenting on 6.326 δαιμόνι’ ὅτι ἅπορον ποῖον χόλον . λύοι το δ’ ἂν ἐξ ὑποθέσεως μήποτ’ οὖν ἀκούων τοὺς Τρῶας καταρᾶσθαι αὐτῷ ἐχολοῦτο ἀμείβεται γοῦν . ούτοι ἐγὼ τόσσον χόλῳ οὐδε νεμέσσει ⁑

msAim, 6.250, commenting on 6.317 οτι πάλιν δειρημένως εἴρηκεν ⁑

msAim, 6.251, commenting on 6.319 οτι ὑφ ἓν ἐνδεκάπηχυ ἀναγνωστέον το γὰρ διπληάσιον δύο καὶ εἰκοσίπηχυ ⁑

msAim, 6.252, commenting on 6.330 Ἀρισταρχος ὅν τινά που ⁑