Manuscript msA, page 90v

Manuscript msA, page 90v

prev: 90r

next: 91r

Iliad text

6.505 σεύατ’ ἔπειτ’ ἀνὰ ἄστυ . ποσὶ κραιπνοῖσι πεποιθώς :

6.506 ὡς δ’ ὅτε τις στατὸς ἵ̈ππος ἀκοστήσας ἐπι φάτνῃ .1

6.507 δεσμὸν ἀπορρήξας . θείῃ πεδίοιο κροαίνων .1, 2

6.508 εἰωθὼς λούεσθαι ἐϋρρεῖος ποταμοῖο .1

6.509 κυδιόων . ὑψοῦ δὲ κάρη ἔχει : ἀμφὶ δὲ χαῖται1

6.510 ὤμοις ἀΐσσονται . ὁ δ’ ἀγλαΐηφι πεποιθὼς ,

6.511 ῥίμφά ἑ γοῦνα φέρει μετά τ’ ἤθεα καὶ νομὸν ἵ̈ππων .1, 2

6.512 ὡς υἱὸς Πριάμοιο Πάρις . κατα Περγάμου ἄκρης .

6.513 τεύχεσι παμφαίνων ὥς τ’ ἠλέκτωρ ἐβεβήκει1, 2

6.514 καγχαλόων . ταχέες δὲ πόδες φέρον : αἶψα δ’ ἔπειτα1

6.515 Ἕκτορα δῖον ἔτετμεν ἀδελφεὸν εὐτ’ ὰρ ἔμελλε

6.516 στρέψεσθ’ ἐκ χώρης , ὅθι ᾗ ὀάριζε γυναικί .

6.517 τὸν πρότερος προσέειπεν Ἀλέξανδρος θεοειδής :

6.518 ἠθεῖ’ , ἦ μάλα δή σε καὶ ἐσσύμενον κατερύκω1, 2, 3, 4

6.519 δηθύνων . οὐδ’ ἦλθον ἐναίσιμον . ὡς ἐκέλευες :

6.520 τόνδ’ ἀπαμειβόμενος προσέφη κορυθαιόλος Ἕκτωρ :

6.521 δαιμόνι’ , οὐκ άν τίς τοι ἀνηρ , ὃς ἐναίσιμος εἴῃ .1

6.522 ἔργον ἀτιμήσειε μάχης . ἐπεὶ ἄλκιμός ἐσσι :1

6.523 ἀλλὰ ἑκὼν μεθίεις τε καὶ οὐκ ἐθέλεις . τό δ’ ἐμὸν κῆρ

6.524 ἄχνυται ἐν θυμῷ . ὅθ’ ὑπερ σέθεν αἴσχε ἀκούω1

6.525 πρὸς Τρώων : οἳ ἔχουσι πολὺν πόνον εἵνεκα σεῖο :

6.526 ἀλλ’ ΐομεν : τὰ δ`’ ὄπισθεν ἀρεσσόμεθ’ αἴ κέ ποθι Ζεὺς1

6.527 δῴῃ . ἐπουρανίοισι θεοῖς αἰειγενέτῃσι1

6.528 κρητῆρα στήσασθαι ἐλεύθερον ἐν μεγάροισιν .

6.529 ἐκ Τροίης ἐλάσαντας ἐϋκνήμιδας Ἀχαιούς ⁑

Scholia text

msA, 6.149, commenting on 6.506-6.511 ‡ ὡς δ’ ὅτε τις στατος καὶ τούτοις ὁμοίοις ἀστερίσκοι παράκεινται οτι την παραβολὴν όλην ἐπι Ἔκτορος βληθέντος λίθῳ ὑπ Αἵαντος μετήνεγκεν ἐντεῦθεν· ἡ δὲ διπλη προς τὸ ἀκοστήσας ὅτι ἄλλοι ἄλλως ἀπέδωκαν ἔστι δε ἥτοι ἐν αχει γενόμενος δια την στάσιν ἠ ακος τϊ καὶ βοήθημα της στάσεως ζητῶν ⁑

msA, 6.150, commenting on 6.506 ἀκοστήσας ἄκος τῆς στάσεως λαβῶν τοῦτέστιν ΐαμα καὶ κριθιάσας κυρίως δε αἱ πασαι αἱ τροφαὶ . ἀκοσταὶ καλοῦνται παρα Θεσαλοῖς ὡς καὶ Νίκανδρος παρα τὸ ῾ΐστασθαι τὰ σώματα τρεφόμενα ἐν ἄλλω καιρῶ παραλαβων βελτιον δὲ δυσχεράνας ἐπι τῆ της φάτνης στάσει . οἱ δὲ αγοστήσας ἀγοιστὸς γὰρ ὁ ῥῦπος . ἢ ἡσυχασας παρα τὴν ἀχην ⁑

msA, 6.151, commenting on 6.507 ‡ δεσμὸν ἀπορρήξας ἡ διπλῆ οτι ἐλλείπει ἡ δία καὶ τὸ κροαίνων οὐκ ἐστιν ἐπιθυμῶν ὡς Ἀρχίλοχος ἐξέλαβεν ἀλλ’ επικροτῶν τοῖς ποσὶ δια τοῦ πεδίου ⁑

msA, 6.152, commenting on 6.507 ἄλλως οἱ νεώτεροι ἐπιθυμεῖν το κροαίνειν καὶ Ἀρχίλοχος ⁑

msA, 6.153, commenting on 6.509 ὑψ οὐ δὲ καρη ἐχει δοκεῖ ἡ κόμη μεγαλοπρεπείας αἰτία εἶναι τοῖς ἵπποις ⁑

msA, 6.154, commenting on 6.508 ειωθῶς λούεσθαι ἐϋρρεῖος ποταμοῖο λείπει ὕδατι . ἡ ποταμὸν εἴρηκεν τὸ τοῦ ποταμοῦ ὕδωρ ⁑

msA, 6.155, commenting on 6.511 ῥιμφά ε Ζηνόδοτος ῥιμφ ἑὰ γοῦνα φέρει· Ποσειδόνιος δὲ ὁ ἀναγνώστης Ἀριστάρχου διαιρέσεως τὸ ε ψιλῶς προφέρεται παρέλκειν αὐτὸ λέγων ὡς ἐντῷ ἠὲ σὺ τόνδε δέδεξο καὶ λύεται τὸ σολοικοφανες· ὁ δὲ Ὅμηρος υπο τῶν γονάτων καὶ ποδῶν φέρεσθαι λέγει τὸν μὲν ἂρ ὣς εἰπόντας πόδες φέρον ⁑

msA, 6.157, commenting on 6.514 καγχαλόωντα χέες δὲ πόδες οτι ὑπο τῶν ποδῶν φέρεται οὐκ αυτὸς τοὺς πόδας φέρει προς ἔλεγχον Ζηνοδότου ⁑

msA, 6.158, commenting on 6.518 ἠθεῖε ταῦτα τινὲς προσαγορευτικά· οὐδε πότε δὲ περί τινος αὐτὰ φησὶν· τέττα· φίλον ἄττα· τροφέως· πάπα· πρς . ἠθεὶε· ἀδελφου γέγονε δὲ τὸ ἠθεῖος ἠ παρα τὸ θεῖος καταπλεονασμὸν του η ἡθεῖος· πλεονάζει γὰρ τὸ ῆ εν πολλαῖς λέξεσι ὡς μύει ἠμύει τῶ κε τάχ’ ἠμύσειε πόλις . πεδανος . ἡπεδανος ευγενης εὐηγενης· τείχει ὑπο Τρώων εὐηγενεών ἀπολέσθαι ⁑

msA, 6.159, commenting on 6.518 βαιός , ἣβαιός . ἢ παρα τὸ ἔθος ἔθειος . ὡς τέλος τελειος ὁρος ὁρειος ὄνειδος ὁνείδιος . καὶ τροπῆ τοῦ ε εἰς τὸ η καὶ καταβιβασμῶ τοῦ τόνου γίνεται ἠθεῖος ἀναλογώτερον δέ ἐστιν ἐκ του ἔθος· ἐκ γὰρ του θεῖος καὶ ἡ αὐτῆ στάσις σώζεται καὶ ὁλίγα πάθη δίδονται· ἐκ δὲ τοῦ ἕθας καὶ ἀλλότριος ὁ τόνος καὶ πολλὰ τὰ πάθη δίδινται ⁑

msA, 6.160, commenting on 6.518 ἠθεῖε Ἀρισταρχος προπερισπᾷ ὡς οἱκεῖε καὶ ἵσως τὸ θεῖος λεγώ δὲ τὸ συμαντικον του ἐπαίνου κατα πλεονασμον του θ εγένετο . εἰ καὶ νεοτέρου ἐστι προς πρεσβύτερον ἀδ ἐχουσα σεβασμον προσφώνησις· οὐκ αγνοῶ δὲ ὅτι συγχεῖται ἐν τοῖς μεθ Ὅμηρον ⁑

msAext, 6.300, commenting on 6.506-6.511 οτι εις ὁ κειται

msAim, 6.278, commenting on 6.511 μετέβη τὴν πτῶσιν τὸ γὰρ ἑ αὐτὸν σημαίνει ⁑

msAim, 6.279, commenting on 6.513 διασταλτεον ἐπι τὸ ηλέκτωρ λάμπειν γὰρ αὐτὸν φησιν ὡς ἥλιον ⁑

msAim, 6.280, commenting on 6.518 τὸ η πευστικως καὶ ἡθικῶς ⁑

msAim, 6.281, commenting on 6.522 ἀλλ ἐπεῖ ἀλκιμός εσσι ἑκῶν μεθίεις ⁑

msAim, 6.282, commenting on 6.527 βραχὺ διασταλ ἐπι τὸ δῴη θεοῖς γὰρ κρατηρα τήσασθαι λέγει ⁑

msAint, 6.205, commenting on 6.510-511 αντι ἀγλαΐηφι πεποιθότα ⁑