Manuscript msA, page 91r

Manuscript msA, page 91r

prev: 90v

next: 91v

Iliad text

7.1 Ὡς εἰπὼν . πυλέων ἐξέσσυτο φαίδιμος Ἕκτορ .

7.2 τῷ δ’ ἅμ’ Ἀλέξανδρος κί’ ἀδελφεός· ἐν δ’ άρα θυμῷ

7.3 ἀμφότεροι μέμασαν πολεμίζειν ἠδὲ μάχεσθαι·

7.4 ὡς δὲ θεὸς ναύτῃσιν ἐελδομένοισιν , ἔδωκεν

7.5 οὖρον , ἐπεί κε , κάμωσιν ἐϋξέστῃς ἐλάτῃσι1, 2, 3

7.6 πόντον ἐλαύνοντες· καμάτῳ δ’ ὑπο γυῖα λέλυνται·1, 2, 3, 4

7.7 ὡς ἄρα τὼ Τρώεσσιν ἐελδομένοισι φανήτην·1

7.8 Ἔνθ’ ἐλέτην , ὁ μὲν , υἱὸν Ἀρηϊθόοιο ἄνακτος1, 2, 3, 4

7.9 Ἄρνῃ ναιετάοντα Μενέσθιον . ὃν κορυνήτης1

7.10 γείνατ’ Ἀρηΐθοος . καὶ Φυλομέδουσα βοῶπις·1

7.11 Ἕκτoρ δ’ Ηϊονῆα βάλ’ ἔγχεϊ ὀξυόεντι

7.12 αὐχέν’ , ὑπο στεφάνης εὐχάλκου , λῦσε δὲ γυῖα·1, 2, 3

7.13 Γλαῦκος δ’ Ἱππολόχοιο πάϊς . Λυκίων ἀγὸς ἀνδρων .

7.14 Ἰ̈φίνοον βάλε δουρὶ κατα κρατερὴν ὑσμίνην .

7.15 Δεξιάδην , ἵππων ἐπιάλμενον ὠκειάων .1

7.16 ὦμον· ὁ δ`’ ἐξ ίππων χαμάδις πέσε , λύντο δὲ γυῖα·1, 2

7.17 Τοὺς δ’ ὡς οὖν ἐνόησε θεὰ γλαυκῶπις Ἀθήνη

7.18 Ἀργείους ὀλέκοντας ἐνὶ κρατερῇ ὑσμίνῃ·

7.19 βῆ ρα κατ’ Οὐλύμποιο καρήνων ἀΐξασα

7.20 Ἴ̈λιον εἰς ἱ̈ερὴν . τῇ δ’ ἀντίος ὤρνυτ’ Ἀπόλλων1

7.21 Περγάμου ἐκκατιδὼν . Τρώεσσι δὲ βούλετο νικην·

7.22 ἀλλήλοισι δὲ τώ γε συναντέσθην παρὰ φηγῷ·1, 2

7.23 τὴν πρότερος προσέειπεν , ἄναξ Διὸς υἱὸς , Ἀπόλλων ·

7.24 τίπτε σὺ δ’ αὖ , μεμαυῖα Διὸς θύγατερ μεγάλοιο

7.25 ἦλθες ἀπ’ Οὐλύμποιο · μέγας δέ σε θυμὸς ἀνἧκεν·

Scholia text

msA, 7.2, commenting on 7.6 πόντον ἐλαύνοντες· κατ ένια τῶν ὑπομνημάτων ἐρέσσοντες · τὸ δὲ λέλυνται , ἐπι τὰ γυῖα ἀνενεκτέον ⁑

msA, 7.3, commenting on 7.6 καμάτῳ δ’ ὑπο γυῖα· οὐκ αναστρεπτέον διὰ τὸν σύνδεσμον· ἄλλως τε καὶ τὸ ἑξῆς ἐστιν ὑπολέλυνται ⁑

msA, 7.6, commenting on 7.8 Ἀρηΐθοος ὁ Βοιώτιος ἄριστος τῶν κατ αυτὸν ἀνων διαβὰς εἰς τὴν Ἀρκαδίαν ἦν γὰρ ἀψιμαχία τις βευρώτοις βοιωτίοις πολίταις . καὶ τοῖς ἀρκάσι περι γῆς ὅρον πλείστην ἐντεῦθεν κατεσύρατο λίαν καταφρόνσιν δὲ αὐτοῦ μεγάλην ἐμβαλόντος Ἀρκασι Λυκοῦργος ὁ τῶν ἐνταῦθα κράτιστος ἀνηρ λόχον ποιήσας . ἔπεισε τὴν πολλὴν τοῦ Ἀρηϊθόου φάλλαγα · ἀν εῖλεν τὲ αὐτὸν καὶ ὑπολαβὼν τὴν λίαν ἔτι· καὶ πρὸς ἄμυναν παντευχίαν μετὰ καὶ τῆς κορύνης . ἡ ϊστορία παρα Φερεκύδει

msA, 7.9, commenting on 7.15 Δεξιάδην · εἴτε ὄνομα πατρωνυμικὸν τὸ Δεξιάδην · εἴτε ποιότητος ἢ τόπου ἐπίρρημ δύναται καὶ τοῖς ἄνω καὶ τοῖς ἑπομένοις συνάπτεσθαι· ἢ γὰρ Ἰφίνοον Δεξιάδην · ἠ βάλε Δεξιάδην ὦμον , ἢ Δεξιάδην ἐπιάλμενον ἀπο τῶν δεξιῶν μερῶν ἐφαλλόμενον ⁑

msA, 7.10, commenting on 7.22 ἀλλήλοισι δὲ · ἡ διπλῆ ὅτι προ τῶν πυλῶν τὴν φηγὸν ταύτην ὑποτίθεται· προ πολλοῦ δὲ ὁ Ἀπόλλων ἐστιν ἐπι τῆς Περγάμου ⁑

msA, 7.11, commenting on 7.22 φηγῷ· ἀξιοπίστως· ἔθηκε τὸν τόπον· παρα γὰρ τὸ φωγῶ ὅ ἐστι κλυῶ τὰ γὰρ ἔσω τῶν βαλάνων ἐσθίοντες , τὰ ἔξω ἔκαιον προς θερμὴν ὅθεν καὶ βαλανεῖα . καὶ οἱ ἑταῖροι Ὀδυσσέως ἐπιλειφθέντες ἐκ τοῦ πλεῖν , αὐτῇ κέχρηνται τῇ τροφῇ ⁑

msAim, 7.12, commenting on 7.7 ουτως Αρισταρχ τὸ δυϊκῶς ⁑

msAim, 7.13, commenting on 7.12 Ἀρισταρχ λῦντο δὲ γυῖα ·

msAint, 7.14, commenting on 7.5 ουτ Ἀρισταρχ ἄλλοι δὲ ἐπήν κε ⁑

msAint, 7.15, commenting on 7.6 προς το σχημα ὡς σπάρτα λέλυνται ⁑

msAint, 7.16, commenting on 7.8 Ἀμμώνιος ἐν τῷ πρὸς Ἀθηνοκλέα τοὶ Τρώεσσι προφέρεται πληθυνται ⁑

msAint, 7.17, commenting on 7.8 βραχ διασταλτ ἐπι τὸ ἑλέτην ἡ γὰρ σύλληψις εἰς διάλυσιν τρέπεται·

msAint, 7.18, commenting on 7.12 οτ πεκεφαλαιας ειδ ἡ στεφάνη·

msAint, 7.19, commenting on 7.16 κατ τὸν ῶμον ·