Manuscript msA, page 92r

Manuscript msA, page 92r

prev: 91v

next: 92v

Iliad text

7.51 ἀντίβιον μαχέσασθαι ἐν αἰνῇ δηϊοτῆτι·

7.52 οὐ γάρ πω τοι μοῖρα θανεῖν . καὶ πότμον ἐπισπεῖν·1

7.53 ὡς γὰρ ἐγὼν ὄπ’ ἄκουσα θεῶν αἰειγενετάων·1

7.54 ὡς ἔφαθ’ . Ἕκτωρ δ’ αῦτ’ ἐχάρη μέγα μῦθον ἀκούσας·

7.55 καί ῥ’ ἐς μέσσον ἰὼν , Τρώων ἀνέεργε φάλαγγας·

7.56 μέσσου δουρὸς ἑλὼν . οἱ δ’ ἱ̈δρύνθησαν ἅπαντες·1

7.57 κὰδ δ’ Ἀγαμέμνων εἷσεν ἐϋκνήμιδας Ἀχαιούς ·

7.58 κὰδ δ’ ἂρ Ἀθηναίη τε καὶ ἀργυρότοξος Ἀπόλλων

7.59 ἑζέσθην . ὄρνῑσιν ἐοικότες . αἰγυπιοῖσι .

7.60 φηγῷ ἐφ’ ὑψηλῇ πατρὸς Διὸς αἰγιόχοιο

7.61 ἀνδράσι τερπόμενοι· τῶν δὲ στίχες εἵατο πυκναὶ .

7.62 ἀσπίσι καὶ κορύθεσσι καὶ ἔγχεσι πεφρικυῖαι·1

7.63 οἵη δὲ Ζεφύροιο ἐχεύατο πόντον ἔπι φρὶξ1

7.64 ὀρνυμένοιο νέον . μελάνει δέ τε πόντος ὑπ αυτῆς .1, 2, 3

7.65 τοῖαι ἄρα στίχες εἵατ’ Ἀχαιῶν τε Τρώων τε

7.66 ἐν πεδίῳ· Ἕκτωρ δὲ μετ αμφοτέροισιν ἔειπε·

7.67 κέκλυτέ μευ Τρῶες καὶ ἐϋκνήμιδες Ἀχαιοὶ .

7.68 ὄφρ’ εἴπω . τά με θυμὸς ἐνι στήθεσσι κελεύει·

7.69 ὅρκια μὲν Κρονίδης ὑψίζυγος οὐκ ἐτέλεσσεν·

7.70 ἀλλὰ κακὰ φρονέων τεκμαίρεται ἀμφοτέροισιν·1

7.71 εἰς ό κεν . ἢ ὑμεῖς Τροίην εὔπυργον ἕλητε .

7.72 ἢ αὐτοὶ παρὰ νηυσὶ δαμείετε ποντοπόροισιν·

7.73 ὑμῖν μὲν γὰρ ἔασιν ἀριστῆες Παναχαιῶν .1

7.74 τῶν νῦν ὅν τινα θυμὸς ἐμοὶ μαχέσασθαι ἀνώγει .1

7.75 δεῦρ’ ΐτω ἐκ πάντων πρόμος ἔμμεναι Ἕκτορι δίῳ·1, 2

Scholia text

msA, 7.202, commenting on 7.53 ὡς γὰρ ἐγὼν· αθετεῖται δια τῆς μαντικῆς αὐτῶν συνῆκεν ὡς εἴρηται ⁑

msA, 7.203, commenting on 7.56 μέσου δουρὸς ἑλὼν· μέσου τοῦ δόρατος ἐπιλαβόμενος· προς ἔνδειξιν τοῦ μὴ πρὸς πολεμικὴν χρῆσιν ἔχειν αὐτὸ ἀλλὰ πρὸς ἔμφασιν τοῦ διαλεχθῆναι· ἔδει δὲ εἰπεῖν μέσον λαβὼν τὸ δόρυ ⁑

msA, 7.204, commenting on 7.63 πόντον ἐπι φριξ· ὁ Ἀσκαλωνίτης ἀναστρέφει ἐπι πόντον οὕτως καὶ οἱ ἄλλοι· καὶ ἄμεινον οὐδὲν γὰρ ἔσται τὸ ἐπιφρὶξ χωρὶς εἰ μὴ παρέλκη ἡ πρόθεσις . ὅπερ οὐ πιθανον . οὐ γὰρ κατεπείγει· φρίξ δὲ ἡ ἐξ επιπολῆς κίνησις τοῦ κύματος ἀρχομένου , ἢ τὸ ἐπιπολάζον τῷ κύματι ἀφρῶδες ὅτ ἂν ἄνεμος ἄρχηται πνεῖν· βέλτιον δὲ τὴν πρώτην ἔγερσιν τῶν κυμάτων ἀκούειν . φρίσσει τίς φόβῳ ἠ ψύχει ἠ οργῇ , ἐμψύχως οὖν τὰς φάλαγγας φρίσσειν φησίν ⁑

msA, 7.205, commenting on 7.64 ὀρνυμένοιο νέον μελάνει δέ τε πόντος ὅτι ἐὰν μὲν γράφηται πόντος ὑπ αυτοῦ ἔσται μελαίνεται ὁ πόντος ὑπο τοῦ Ζεφύρου ἐὰν δὲ πόντον ὑπ αυτῆ , ἔσται μελαίνει δὲ τὸν πόντον ὁ Ζεφυρος ὑπο τῆ φρίκη ⁑

msA, 7.206, commenting on 7.64 μελάνει· ὡς οἰδάνει ὁ Ἀσκαλωνίτης ἐκ γὰρ τοῦ μελαίνει φησὶν ἐνδείᾳ τοῦ ϊ ἐγένετο ⁑

msA, 7.207, commenting on 7.73 ὑμῖν μὲν γὰρ ἔασιν· αἱ Ἀριστάρχου οὕτως· ὑμῖν δ’ ἐν γὰρ έασι . καὶ ἔστι τὸ ἑξῆς ὑμῖν δ’ ἔνεισι γάρ ἢ ἐν ὑμῖν δέ εἰσι γὰρ ἀριστῆες ⁑

msA, 7.208, commenting on 7.75 δεῦρ’ ΐτω· ὅτι ἰδίως ὡς περὶ ἑτέρου καὶ ὅτι πρόμον τὸν πρόμαχον κατα συγκοπήν· καὶ ὅτι ἀκαίρως δῖον ἑαυτὸν ὁ Ἕκτωρ ⁑

msAil, 7.210, commenting on 7.75 πρόμαχος πάθος συγκοπη·

msAim, 7.209, commenting on 7.62 γράφεται καὶ βεβριθυῖαι

msAint, 7.211, commenting on 7.64 Ἀρισταρχ πόντον δια τοῦ ν καὶ ὑπ αυτῇ τῇ φρικὶ , ἄλλοι δὲ πόντος ὑπ αυτοῦ ·

msAint, 7.212, commenting on 7.70 ἐπιτελεῖ τέκμωρ γὰρ τὸ τέλος

msAint, 7.213, commenting on 7.74 γράφεται καὶ τῶν ει καί τινα θυμός ·