Manuscript msA, page 97r

Manuscript msA, page 97r

prev: 96v

next: 97v

Iliad text

7.302 ἢδ`’ αὖτ’ ἐν φιλότητι διέτμαγεν ἀρθμήσαντε ·

7.303 ὡς ἄρα φωνήσας . δῶκε ξίφος ἀργυρόηλον1

7.304 σὺν κολεῷ τε φέρων . καὶ ἐϋτμήτω τελαμῶνι·1

7.305 Αἴας δὲ ζωστῆρα δίδου φοίνικι φαεινόν·1

7.306 τὼ δὲ διακρινθέντε . ὁ μὲν μετὰ λαὸν Ἀχαιῶν1

7.307 ἤϊ’· ὁ δ’ ἐς Τρώων ὅμαδον κίε . τοὶ δ’ ἐχάρησαν

7.308 ὡς εἶδον ζωόν τε . καὶ ἀρτεμέα προσιόντα·1

7.309 Αἴαντος προφυγόντα μένος καὶ χεῖρας ἀἅπτους ·

7.310 καί ῥ’ ἦγον προτὶ ἄστυ . ἀελπτέοντες σόον εἶναι·1

7.311 Αἴαντ’ αῦθ’ ἑτέρωθεν ἐϋκνήμιδες Ἀχαιοὶ

7.312 εἰς Ἀγαμέμνονα δῖον ἄγον κεχαρηότα νίκῃ·1

7.313 οἱ δ’ ὅτε δὴ κλισίῃσιν ἐν Ἀτρείδαο γένοντο .

7.314 τοῖσι δὲ βοῦν ἱ̈έρευσεν ἄναξ ἀνδρῶν Ἀγαμέμνων1

7.315 ἄρσενα πενταέτηρον . ὑπερμενέϊ̆ Κρονίωνι ·

7.316 τὸν δέρον ἀμφί θ’ ἕπον . καί μιν διέχευον ἅπαντα .

7.317 μίστυλλόν τ’ ὰρ ἐπισταμένως , πεῖράν τ’ ὀβελοῖσιν .

7.318 ὤπτησάν τε περιφραδέως . ἐρύσαντό τε πάντα·

7.319 αὐτὰρ ἐπεὶ παύσαντο πόνου . τετύκοντό τε δαῖτα·1

7.320 δαίνυντ’ . οὐδ’ έτι θυμὸς ἐδεύετο δαιτὸς ἐΐσης·

7.321 νώτοισιν δ’ Αἴαντα διηνεκέεσσι γέραιρεν

7.322 ἥρως Ἀτρείδης . εὐρὺ κρείων Ἀγαμέμνων ·

7.323 αὐτὰρ ἐπεὶ πόσιος καὶ ἐδητύος ἐξ ἔρον ἕντο .

7.324 τοῖς ὁ γέρων πάμπρωτος ὑφαίνειν ἤρχετο μῆτιν

7.325 Νέστωρ . οὗ καὶ πρόσθεν ἀρίστη φαίνετο βουλή·

7.326 ὅ σφιν ἐϋφρονέων ἀγορήσατο καὶ μετέειπεν·1

Scholia text

msA, 7.2019, commenting on 7.303 ‡ ὡς ἄρα φωνήσας· σημειοῦνται τινὲς ὅτι ἀφώπλισεν ἑαυτὸν δοῦς τὸ ξίφος ὁ Ἑκτωρ .

msAim, 7.2051, commenting on 7.312 οτ ἀντι τοῦ πρὸς Αγαμέμνονα ·